"Nan lung ithleng uh, caan a nai tuk cang" timi lawng chim cu zeihme attha hnem, Pathian kan zumh ko, Kan biak ko, Cheuhra cheukhat kan peek ko, thla kan cam ko, zeitihlei i lungthlendah na kan fial ti asi.
Cutik ah, nan lungchung i phawrhlawtnak, ruamkainak, hnahchuah neekneihnak, mithangchiatnak le mikongcaih congoihnak vialte hi nan thinlung ah ai tlum ti lo ipei nan kaleng tiang zong in achuah tuk cang hi, cucaah mah hihna pawl ca hrimhrim ah hin Pathian duhmi thinlung in thlen ahau. Caan atlin cun nan lung nan ithleng kho ti lai lo, atu lio zaangfahnak caan chung ah hin izuam ulaw nan ithleng kho lai. Hi thinlung vialte hi Khrih duhmi thinlung in thlenkhawh asi lio te asi. Hi tlawmpal ah hin cun thlenkhawh asi ti lai lo.
Cun nan chung lei a thian bantuk in nan lenglei zong athian ahau.
Keimah hi Khaini le Sadah a hmawmtukmi ka si i ka pasal nih hin keimah hmanh i ka tonghlomi nangmah i hibantuk na tongh hi cu ti i aka caak ah hin Bawizisuh nih Khaini hmawmhlah aka ti lawnglawng ah ka tthinh lai, ahofa hmanh nih nan ka thlauh kho lai lo ti ah ka rak ti, Ramdang ka phaak hnu hmanh ah India lei ah a box ning in ka cah i hmawmcawk lo in kai chiah tawn, ka pasal zong cu tihin ka ti .. Khaini hmawm ruang ah hin cun itthen zong hi ka ngamhtuk, na ka thlauh ding nak cha cun itthen ding asi ko ka rak ti.
Asinain Pathian thlarau nih bia avan ka chimh i Cerh pakhat in Tifim le tinawi pahnih achuak kho lo, na chunglei athian bantuk in na lenglei zong a thian awk asi, Khaini hi hmawm ti hlah, Sehtan Eek asi, fih anung tukmi asi... aka ti tik ah ka rak chim cia bang Pathian bak nih aka thlauhmi cu si kaw cuhnu cu afih bak in ka fih i hmawmduhnak lungthin hrimhrim zong ka ngei ti lo.
Phung chim le tehte khaan ding ka si ah hin ahlaankan i kai timh-lamh ah in Pathian nih aherh lo aherhmi cu kan chimh te ko lai aka ti. Chim ding thei lo pin ka va dir i Pathian i aka chimhmi poh hi ka chim tawn, keimah le keimah ka chim mi hi ttha te cinken khawh tu kai zuam ve. Kai chinchiah lo ah cun zeika chim timi ka thei lo.
Caan anai tuk cang, nan lung ithleng uh.....
From Tha Fam Chin
Australia
(Bible caang aka chimh mi pawl cu ca ka rel thaim sasai lo le hnu ah kuat khawh ka van in zuam te hna lai)
No comments:
Post a Comment