Bible Verses revealed to Children in Myanmar (Tachileit)

Genesis 6 : 17

¹⁷A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

Ecclesiastes 8 : 13

¹³Sihmanhsehlaw miṭhalo mi hna caah cun a ṭha dih ko lai lo, an nunnak cu thladem bantukin a liam zau ding an si i Pathian an ṭih lo caah an no tein an thi lai,” an ti.

Matthew 24: 42- 44

²Cucaah nan Bawipa a rat lai ni nan hngalh lo caah ralring tein um ko u. ⁴³Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo. *24:43-44: Luk 12:39-40 ⁴⁴Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

Matthew 24: 37- 40

³⁷Mi Fapa a rat cu Noah chan i thil umtuning bantuk kha a si lai. *24:37: Gen 6:5-8 ³⁸Tilian a tlun hlan, Noah lawng chung i a luh ni tiang kha, an ei an ding an i ṭhi an i um i ³⁹tilian a hung tlun taktak i a fenh dih hna hlantiang kha cu, zeihmanh an hngal lo. Mi fapa a rat tikah cun cu bantuk cun a si lai. *24:39: Gen 7:6-24 ⁴⁰Cu caan ah cun mi pahnih lo ah rian a ṭuanmi hna lakah pakhat cu kalpi a si lai i pakhat cu nganhta a si lai.

Matthew 25: 1

¹“Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

Matthew 25: 21

²¹A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

Mark 8: 36-37

³⁶Mi pakhatkhat nih vawlei hi a ning piin co seh law, a nunnak sung ṭung seh law, zeital a miak hnga maw? Miak hlah! ³⁷Cun a nunnak cu zeital in a caw ṭhan kho hnga maw? Caw ṭhan kho hlah.

Mark 13: 19

¹⁹Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

Luke 13 : 22-30

²²Jesuh cu Jerusalem i a kalpah ah khan khua kha a pal duahmah hna i a cawnpiak pah lengmang hna. ²³Mi a cheukhat nih bia an hal i, “Bawipa, mi hi tlawmte lawng maw khamh an si lai?” an ti. ²⁴Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

²⁵“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai. ²⁶Cun nannih nih nan leh ve lai i, ‘Na sinah pei rawl kan ei i ti kan din kha, kan khua ah pei na kan cawnpiak kha,’ nan ti lai. ²⁷Anih nih an thawh hna lai i, ‘Khuazei in nan rat kan hngal lo. Nannih ṭhat lonak a tuahmi vialte hna, ka sinin kal ko u,’ a ti hna lai. *13:27: Slm 6:8 ²⁸Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai. *13:28: Mat 22:13; 25:30 *13:28-29: Mat 8:11-12 ²⁹Nichuah, nitlak, chaklei, thlanglei, in mi kha an ra lai i Pathian Pennak cabuai ah khan an ṭhu lai. ³⁰Cu tikah cun atu i a hmanung bik hi a hmasa bik an si lai i atu i a hmasa bik hi a hmanung bik an si lai,” tiah a ti. *

Luke 17: 26-30

²⁶Noah chan ah a rak si bantuk khan Mi Fapa chan zongah a si ve lai. *17:26: Gen 6:5-8 ²⁷Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko. *17:27: Gen 6:5-8 ²⁸Lot chan i a rak si bantuk khan a si ve lai. An ei, an ding, an i caw an i zuarh, thlaici an cing, inn an sa. *17:28-29: Gen 18:20—19:25 ²⁹Lot cu Sodom in a chuah ni ah khan mei le kat cu vancung in a rung sur i a thah dih hna. ³⁰Cuticun Mi Fapa a langh ni ah cun a si ve lai.

1 Peter 5: 8

⁸Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

John 14 : 1-3

¹Khuaruahhar lungrethei in um hlah u. Pathian kha zum u, keimah zong kha ka zum ve u. ²Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo. ³Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

Rome 3: 1-10

¹A si ahcun Judah mi nih cun Jentail mi hna nakin ṭhatnak zeital an hmu deuh kun maw? Cuarpartan cu santlaihnak zeital a ngei kun maw? ²A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si. ³Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw? ⁴Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih,

• “Bia na chim tikah na chimmi cu
• ahmaan ti kha a lang lai i
• tazacuai na si tikah na bia cu
• na tei lai,”
  tiah a ti bang khan a si. *3:4: Slm 51:4

⁵Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.) ⁶Si hrimhrim hlah. Pathian cu a din lo ahcun, zeitindah vawlei cu bia a ceih khawh lai?

⁷Asinain ka lihchimnak nih Pathian biatak cu fiang chinchin in a langhternak thawngin Pathian cu sunparnak ngan deuh a pek ahcun, zeicahdah kei cu misual na si tiah sualphawt ka si kun? ⁸“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

⁹A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

¹⁰Cathiang nih,

“A dingmi ahohmanh an um lo,

1 Thesalonian 4: 16- 17

¹⁶Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i ¹⁷cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

1 Thesalonians 5 : 20

phungchim kha zeirello in um hlah u.

1 Timothy 2: 4

^3-4Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

Malakhi 4: 1-6

¹A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti. ²Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai. ³Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

⁴Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u, ⁵A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai. *4:5: Mat 11:14; 17:10-13; Mar 9:11-13; Luk 1:17; Jhn 1:21 ⁶Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.

Malakhi 4: 5

⁵A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

Jeremiah 25: 30-38

³⁰“Ka chimmi bia vialte cu

• na thanh hna lai i
• ‘ Bawipa cu cung sangpi khin a rung
• au lai,
• A umnak hmunthiang khin khuarit in
• a rung ri lai.
• Amah tuurun chungah khan fak piin
• a huk lai i
• Mitsur thei a nengtu hna an au
• thawng bantukin
• vawleicung mi vialte cungah khan
• a au lai.
• 
  

³¹A au thawng cu vanhramdeng tiang

• a thang lai,
• zeicahtiah Bawipa cu miphun
• vialte cungah bia a ngei i
• minung vialte kha taza a cuai hna lai i
• a sualmi cu vainam in an thi lai,
• tiah na chimh hna lai,’
• tiah Bawipa nih a ti.
• 
  

³²Zohhmanh, rawhralnak cu miphun

• pakhat sinin pakhat sinah a karh
• chin lengmang i thlichia cu
• vanhramdeng in a tho lio,
• tiah Bawipa nih a ti.

³³Cun cu ni ah cun Bawipa nih a thahmi hna cu vawlei khattelei kam in khattelei kam tiang hmunthur bantukin an ril liangluang ko lai. Ahohmanh nih an ṭah hna lai lo, a pumh zong an pum hna lai lo, a vui zong an vui hna lai lo.

• 
  

³⁴Maw tuukhal hna, ṭap u law ai u,

• Tuurun bawi hna, vutcam lakah
• i lawng u.
• Atu cu thahnak hmun i kal kha
• nan chel a si cang i
• tuukawng ṭha bantukin nan tlu lai.
• 
  

³⁵Tuukhal hna caah zamnak hmun

• khuazei hmanh ah a um lai lo.
• Tuurun bawi hna caah luatnak lam
• zeihmanh a um lai lo.
• 
  

³⁶Tuukhal hna ai thawng cu

• ngai hmanh,
• Tuurun bawi hna kiao thawng cu
• thei hmanh,
• Zeicahtiah an tlonnak ram cu Bawipa
• nih a hrawh lio i,
• 
  

³⁷A thinhun ruangah dai tein a ummi

• an innlo hna cu a rawk dih.
• 
  

³⁸Chiandeih a kua a chuahtakmi bantuk

• khan an zam,
• Zeicahtiah an ram cu pakpalawng ah
• a cang cang,
• Vainam le thinhunnak nih
• pakpalawng ah a canter dih cang.

Jeremiah 23: 19

¹⁹A kangh in mi a kangmi thli, Bawipa

• sinin a chuakmi khi zohhmanh,
• Ṭotho phuchim a si khi!
• Miṭhalo hna lung chungah
• aa zi len ko.

Isaiah 24 : 1-23

¹ Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai. ²Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai. ³Vawlei cu a kek a kuai dih lai i a rawk dih lai. Cu bia cu Bawipa nih a chimmi a si i a chim bangin a si ko lai.

⁴Vawlei cu a ro i a car; vawlei cu a uai in a uai; van zong vawlei zong an rop dih. ⁵Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter. ⁶Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang. ⁷Mitsur ruang kha an car i mitsur zu kha a tlawm. A rak i lawm tawnmi kha atu cu an ngaih a chia dih cang i ⁸an i lawmhnak hla dawh le tingtang tum thawng le khuang thawng kha a dai cang. ⁹Hlasak pah i mitsur zu din kha a um ti lo, ahohmanh nih mitsur zu kha a thaw an ti ti lo. ¹⁰Khuapi chungah zeizong vialte hnahnawk in a um dih, inn kha khar an si dih i mi kha lengah chuah an si dih. ¹¹Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang. ¹²Khuapi cu a rawk i a kutka cu an baoh dih hna. ¹³Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl ṭuan a dih tik i oliv thei vialte oliv nge in an ṭhilh dih hna hnu le mitsur ruang in mitsur thei vialte an lawh dih hna caan he khin aa lo lai.

¹⁴A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i ¹⁵nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai. ¹⁶Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai.

Sihmanhsehlaw kei ka caah cun ruahchan awk a um lo. Ka derchin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh. ¹⁷Vawleicung mi hna! Thil ṭihnung le khor le rap nih an in bawh ko hna. ¹⁸Thil ṭihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai. ¹⁹Vawlei cu a kak a kuai lai i aa cheu lai. ²⁰Vawlei cu zuri bangin a sawn lai i ṭotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho ṭhan ti lai lo.

²¹ Bawipa nih cunglei ṭhawnnak le vawlei cung uktu hna kha dan a tat hna lai ni a phan lai. ²²Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai. ²³Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

Revelation 12 : 12

¹²Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

Revelation 3 : 2

²Cucaah cun i hlau law na ngeih rihmi kha a thih taktak hlanah thazang thar la tuah. Zeicahtiah na tuahmi thil kha Pathian mit hmuh ah a tlingmi an si rih lo ti kha ka hmuh.

Revelation 3 : 20

²⁰Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

Revelation 10- 12

¹⁰Cun hitihin a ka ti, “Hi cauk chung i aa ṭialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang. ¹¹Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti. *22:11: Dan 12:10

¹²Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

Revelation 22 : 17

¹⁷Thlarau le va ngei laimi ngaknu nih khan, “Ra u,” an ti.

Hi bia a theimi paoh nih khan, “Ra u,” ti ve hna seh.

Ti a halmi paoh cu ra u, nunnak ti hi a duhmi paoh nih manloin i lak u. *

Revelation 22 : 4-5

⁴Annih nih a hmai an hmuh lai i a min cu an cal ah aa ṭial lai. ⁵Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai. *

Revelation 21: 4-5

⁴An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti. *21:4: Isa 25:8; 35:10; 65:19

⁵Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

Revelation 21: 27

²⁷Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai. *

Note : (Shanram Tachileih i a ummi Lahu miphun hngakchia kum 6-8 kar hrawnghrang tete sin i Pathian nih biaphuan chim afialmi hna lak i Bible caang byheart i an ivahpi mi ansi)

April 29

Rome 14

Collosians 1: 15-20

Hawi Va Soi Hlah

¹Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u. *14:1-6: Kol 2:16 ²Mipa pakhat cu a zumhnak nih zei ei paoh a onh ko, sihmanhsehlaw zumhnak a dermi nih cun anhringso lawng kha a ei. ³Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta. ⁴Midang sal biaceihtu dingah nangmah cu ahodah na si? A tuah khawh le khawh lo cu a Bawipa nih pei a khiah ko lai cu. Cun a tuah zong a tuah khawh ko lai, zeicahtiah Bawipa nih cun tlamtling lakin a tuahter khawh ko.

⁵Mi pakhat nih, ni pakhat cu ni dang nakin a biapi deuh tiah a ruah, cun a dang pakhat nih, ni cu an i khat cio ko, tiah a ruah ve. Anmah le an ruahning cio kha fiang tein an ruah awk a si ko. ⁶Ni pakhat cu sung khun in a ruatmi nih khan cu ti i a ruah cu Bawipa upatnak in a ruah caah a si; zeipaoh a eimi nih khan cu ti i a ei cu Bawipa upatnak in a si ve ko, zeicahtiah a eimi rawl caah khan Pathian pei a lawmh cu. ⁷Ahohmanh mah ca lawngah kan nung lo, ahohmanh mah ca lawngah kan thi lo; ⁸kan nun ahcun Bawipa caah kan nung i kan thih ahcun Bawipa caah kan thi. Cucaah kan nun ah siseh, kan thih ah siseh, Bawipa ta kan si. ⁹Zeicahtiah Khrih a thih i a thawh ṭhan cu a nungmi he a thimi he an Bawi si awkah a si. ¹⁰A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai. *14:10: 2Kor 5:10 ¹¹Zeicahtiah Cathiang nih,

• “Ka nun bangin, mi vialte nih
• ka hmaiah an khuk an i bil lai i
• Mi vialte nih keimah cu Pathian a si
• an ka ti lai, tiah Bawipa nih a ti,”
  a ti bang khan a si lai. *14:11: Isa 45:23

¹²Cucaah kan dihlak hin Pathian hmaiah kan kong kan i chim cio a herh lai.

Na Hawi Kha Rilhter Hlah

¹³Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u. ¹⁴Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko. ¹⁵Zeilo na ei ruangah na unau kha a lung na fahter ahcun, cu na tuahmi cu dawtnak chungin a chuakmi tuahnak a si ti lo. Na eimi rawl cu Khrih nih a thihhnawhmipa rawhnak ah canter hlah. ¹⁶Na ca i a ṭhami thil kha congoihnak phortu ah canter hlah. ¹⁷Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh. ¹⁸Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

¹⁹Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si. ²⁰Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si. ²¹Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si. ²²Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si. ²³Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.

Khrih le A Rianṭuannak (Collosians 1:15-20)

¹⁵Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si. ¹⁶Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna. ¹⁷Zeizong vialte hlanah a rak um cang i amah nih cun zeizong vialte hi i ṭhenṭhek dih loin a funtom dih hna. ¹⁸Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si. ¹⁹Fapa nih Pathian sinak tlamtling tein a chungah a ngeih cu Pathian biakhiahnak thawngin a si. ²⁰Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna. *

Latest updates

Psalm 73:27

27Nangmah an hlawmi cu an thi
 hrimhrim lai,
o nangmah cungah zumhawktlak in
 a um lomi cu na hrawh hna lai.

Jeremiah 31
1Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti. 2Mah hihi Bawipa bia cu a si:
• Vainam in a luatmi hna nih khan
• thetse ram ah zaangfahnak an hmuh;
• Israel mi hna nih dinhnak kha
o an duh tikah,
•
3Lamhlat piin an sinah ka rung lang;
• Israel mi hna, nannih cu kan dawt
o zungzal hna i
• Dong loin kan zohkhenh zungzal
o ko hna.
•
4Nannih cu kan tunmer ṭhan hna lai.
• Nan tingtang kha nan i lak ṭhan hna lai i
o lawmhnak in nan lam ṭhan lai.
•
5Samaria tlang cungah khan
o mitsur dum kha nan ser ṭhan
 hna lai i
• Mitsur dum in a chuakmi cu
o a cingtu hna nih khan an ei lai.
•
6Efraim tlang cung i ralveng hna nih,
• “Ra u law Zion ah hung kal u sih,
• Bawipa kan Pathian sinah cun
o hung kal u sih,” an ti caan kha
 a ra lio, tiah a ti.
7Zeicahtiah mah hihi Bawipa bia cu
o a si:
o Jakob ruangah lunglawmhnak in
o thang piin au tuah u,
• Miphun lakah phun ngan bik a si;
• Thangṭhatnak cu hla in sa u law,
o Bawipa nih a mi cu a khamh
 cang hna i
o Israel mi a tangmi hna cu
 a zuah hna, tiah chim u.
•
8Chaklei ram in ka ratpi hna lai,
• Vanhramdeng in ka pumh hna lai.
• Mitcaw le kebei zong an sinah
o an ra ve lai i
• Fapawi le a ni thla a tling
o dengmangmi hna zong
o an sinah an i tel lai;
• Miphun ngan piin an ra kir ṭhan lai.
•
9Inn ah an ra tlung, an tlun pah in
o an ṭap,
• Sihmanhsehlaw ka hnemh hna lai i
o keimah cu a cawngtu hna ka si lai.
• A luangmi tiva ah ka hruai hna lai;
• An lam kha a mil tuk caah
o an tlu an ril lai lo.
• Zeicahtiah keimah cu Israel mi caah
o an pa ka si cang i
• Efraim cu ka fapa upa bik a si.
•
10“ Bawipa bia cu ngai tuah u,
o Maw miphun hna,
• Thanh u law rilikam ram le a hlatmi
o tikulh hna cu hngalhter hna u:
• ‘Israel cu a ṭhektu nih khan a pumh
o ṭhan lai i
• Tuukhal nih a tuurun a zohkhenh
o bangin a zohkhenh lai,’
 tiah chim u.
•
11 Bawipa nih Jakob cu a tlanh
o ṭhan cang i
• A ṭhawngmi a ral kut chung
o khan a chuah ṭhan cang.
•
12Zion tlang par ah cun lawmhnak
o aw thawng he an ra lai,
• Bawipa nih ṭhatnak tampi a pek hna
o caah hmaipanh ngaiin an ra lai,
• Ṭhatnak a pekmi hna cu rawl le
o mitsur hang thar le chiti le tuurun
o chung i a no tete le cawrun chung i
o a no tete tampi kha an si.
• Ti toihmi dum bantuk an si lai i
o zeihmanh an chambau bal ti lai lo.
•
13Cun ngaknu hna cu an lam lai i
o an i lawm lai,
• Tlangval le patar hna cu an tha
o a nuam lai;
• An mithi zunngaihnak cu
o lunglawmhnak ah ka thlen lai,
• Ka thin ka nemter lai i
o an ngaihchiatnak lonh in
o lunglawmhnak ka pek hna lai.
•
14Tlangbawi hna cu hi ram thau kha
o ka vuaiter hna lai i
• Ka mi hna cu ka ṭhatnak in
 an khim lai,”
o tiah Bawipa nih a ti.
•
15 Bawipa nih hi bangin a ti:
• “Ngai hmanh, lunghno ngaiin ṭahnak
o thawng cu Ramah khua ah a thang,
• Cucu Rachel nih a fale a ṭah hnanak
o thawng kha a si;
• A fale kha an um ti lo caah hnemh
o kha a duh lo.” *
•
16 Bawipa nih hi bangin a ti:
• “Fak piin na ṭah lengmang ko cu
o ngol cang law na mitthli thla
 ti hlah;
• Zeicahtiah na rianṭuan man ah
o laksawng kan pek lai,
• Annih cu an ral hna ram in
o an kir ṭhan lai.
•
17Na hnu i a rung um dingah
o tefa na thlautak hna lai;
• Na fale hna cu anmahle an ram te ah
o khan an kir ṭhan lai.
•
18Israel mi hna nih ngaihchia in,
• ‘ Bawipa, kannih cu a hrang i a lung a
o khongmi cawtum bantuk kan si,
o sihmanhsehlaw nangmah nawl zulh
o kha na kan cawnpiak;
• Kan hruai ṭhan law kan ra kir ko lai;
o nangmah cu Bawipa, kan Pathian
o na si.
•
19Na sinin kan rak pial cang,
o sihmanhsehlaw ra kir ṭhan zau kha
o kan duh.
• Kannih kha dan na kan tat hnuah cun
o ngaihchia in kan lu lawng
o kan khun ko.
• Kannih nih kan no lioah kan rak sual
o caah khan ningzahnak le
o hmaichiatnak kha kan rak tong,’
 an ti kha ka theih.
•
20“Efraim, nangmah cu ka dawt bikmi
o fa na si.
• Na min ka chim fate, nangmah kha
o dawtnak in kan ruat tawn.
• Nangmah cu ka lung nih an ngai i
o na cungah zaangfahnak ka ngei lai,”
 tiah Bawipa nih a ti.
•
21“Nan lam chingchiahnak dingah
o lungpon hnuai hna u,
o chingchiahnak tung phun hna u;
• Nan zulh dingmi lam cu fiang tein
o i hngalh u.
• Ra kir ṭhan tuah u, Maw Israel mi hna,
• Nan khua hna ah cun ra kir ṭhan cio
o tuah hna u.
•
22Zeicahdah lung awṭawm in
o nan um lai,
o nannih zumhawktlak lomi hna?
• Bawipa nih thil thar pakhat vawlei
o cungah hin ka ser:
o nu nih pa an tluk hna lai.”
23Ralkapbu Bawipa, Israel Pathian nih
o hitin a ti: “Annih cu an ram ah
o ka kirter ṭhan hna tikah,
• Judah ram le a khua hna ah cun,
• ‘ Bawipa nih Jerusalem tlang thiang
o a umnak hmun thiang cu,
• Thluachuahnak pe ko seh,’ tiah
o an ti ṭhan lai.
24Judah ram le a khua hna chungah khan mi cu an um lai i lothlo zong an um lai i an tuurun he a ummi tuukhal hna zong an um lai. 25A bami cu ka hrimhter ṭhan hna lai i rawlṭam in thazang a tlawmmi cu rawl khim tein ka pek hna lai. 26Cu tikah ka mi hna nih cun, ‘Kaa hngilh i ka thazang a tlung ṭhan,’ an ti lai.
27“ Bawipa nih hi bangin a ti: Israel ram le Judah ram cu minung le saram in ka khahter hna lai caan a ra lio. 28Annih cu ṭheh awk le phawi awk le chimh awk le hrawh awk le harnak pek awkah ka rak ngiat hna bantuk khan atu cu annih kha tun awk le thawh awkah ka zohkhenh cang hna lai, tiah Bawipa nih a ti. 29Cu caan a phak tikah cun, mi nih,
• ‘An pale nih mitsur thei thor an ei i
• An fale ha a za,’
an ti ti lai lo. *
30Ahohmanh mitsur theithor a eimi cu amah hate kha a za ko lai i ahohmanh amahle a sualnak ruang te ah a thi ko lai.”
Biakam Thar
31“Israel mi hna le Judah mi hna he biakamnak thar ka ser lai ni cu a ra lio, tiah Bawipa nih a ti. **32Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti. 33Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti. *34Cun annih nih pakhat le pakhat kha, ‘ Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti. *
35Chun ceutertu ah ni a chia i zan ceutertu ah arfi le thlapa kha a chia i rili tilet kha a thawhter i a awnhtertu nih hitin a ti, a min cu Ralkapbu Bawipa a si:
•
36Thil umtuning ka chiahmi hi
o ka hmaika in a loh khawh a si ahcun,
• Cu tik bel ah Israel tefa hna cu
o ka hmaika i miphun si ti lo dingin
 an lo ve hnga,
 tiah Bawipa nih a ti.
37Cunglei van khi aho tal nih tah kho in tanglei vawlei hi aho tal nih a thuknak hlai khawh si seh law, cu tik bel ah Israel tefa vialte hna cu an tuahmi ruangah khan ka hlawt khawh hna hnga, tiah Bawipa nih a ti.
38“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio. 39A ramri cu nitlaklei ah Gareb tlang tiang a va lan lai i Goah ah khan a run i kual lai. 40Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

April 18, 2009

Psalm 89: 19-28
19Zumhawktlak a simi na sal hna sinah
o hlan liopi ah langhnak in bia na chim i,
• “Ralkap min thang pakhat cu
o bawiluchin ka chinh cang;
o mizapi hna chungin thimmi kha
 bawiṭhutdan cu ka pek cang.
•
20Ka sal David cu ka thim cang i
o nan siangpahrang ah ka ser cang. *
•
21Ka thazang cu a sinah a um
 zungzal lai i
o ka ṭhawnnak nih a ṭhawnter lai.
•
22A ral nih zeitikhmanh ah an tei lai lo i
o miṭhalo nih an tei bal lai lo.
•
23A ral cu ka rial dih hna lai i
 amah a huatu cu ka thah hna lai.
•
24Amah cu ka dawt zungzal lai i
o a cungah zumhawktlak in
 ka um zungzal lai;
o ral teinak kha ka pek zungzal lai.
•
25A penmi a ram cu Mediterranean Rili
• in Zufrates Tiva tiang ka phakter lai.
•
26Keimah cu a ka thawh lai i,
o ‘Nangmah cu ka pa le ka Pathian na si;
o a ka hupphengtu le ka khamhtu
 na si,’ a ka ti lai.
•
27Amah cu ka fater ah ka ser lai i
o siangpahrang vialte lak i a ngan bik
 ka siter lai. *
28A sin i bia kaa kammi cu ka tuah
 zungzal lai i
o amah he kan biakamnak cu zungzal
 in a hmun lai.

Ezra 10:12
2Cun aa pummi vialte nih aw thang piin, “A si taktak ko; na chim bangin kan tuah lai.

2 Chronicle 6:13
3Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna;

April 15, 2009

Psalm 106

April 14, 2009

Amos 5: 18- 27

18 Bawipa ni aa hngahhlangmi nannih

o mihrut hna,
* Bawipa ni cu nan caah a sullam zeidah
o a si lai?
* Muihnak a si lai, ceunak a si lai lo.
*

19Minung nih chiandeih a zamtak i

o vom he an i ton ni bantuk,
* Inn chungah a luh i vampang
o a vun dah i
o rul nih a rak cuk ni bantuk
+ a si lai.
*

20 Bawipa ni cu khuaci muih ni taktak

o a si ko lai,
* Ceunnak ni a si lai lo;
* Ceunak um loin a mui dupmi ni
+ a si ko lai.
*

21Nan puai hna cu ka huat hna i zei ah

o ka rel hna lo,
* Nan sunhsakmi nan pumhnak hna cu
o ka duh hna lo.
*

22Nannih nih nan raithawinak hna le

o nan thawhlawm hna kha nan ka pek
+ tikah ka cohlang hna lai lo,
* Raithawinak ca i nan hmanmi saṭil
o hna zong kha
o ka cohlang duh hna lai lo.
*

23Nan hla aw kha ka theihter ti sawh

o hna hlah u;
* Nan thonglawi aw kha ka celh
o ti hna lo.
*

24Sihmanhsehlaw biading kha

o ti bantukin luanter u law
* Dinnak kha a cat lomi tiva bantukin
o luanter camcin ko u.
*

25Nannih Israel mi hna,

o kum sawm li chung ramcar
o chung i nan um lioah khan,
* Raithawinak le laksawng nan ka pe
o bal hme maw?
*

26Pe hlah, nan rak ka pe bal lo,

o sihmanhsehlaw atu cu nan caah
+ nan i sermi
o nan siangpahrang Sakkuth * Sakkuth le Kai-uan hi Babilon arfi pathian min an si. le
+ nan siasal Kai-uan,
o nan arfi pathian hna cu
+ nan i phorh hna lai i,
*

27Damaskas pinah sal i va taan awkah

o kan ṭhawl hna lai.
* Cuticun Bawipa nih a ti; a min cu
o Ralkapbu Pathian a si.

Isaiah 26
Pathian Nih A Mi Kha Teinak A Pek Hna

1Hi hla hi Judah ram chungah

+ an sak ni a phan lai:
* Kan khuapi cu a ṭhawng,
* Pathian hrimhrim nih a kulhnak
+ cu a ven!
*

2Khuapi kutka cu hung hna u law

o zumhawktlak a simi miphun
+ kha luhter u,
o dinnak a tuahmi miphun
+ kha luhter u.
*

3 Bawipa, nangmah nih,

o an i tinhmi kha fek tein aa tlaih i
o nangmah an bochanmi cu,
o a tlingmi daihnak kha na pek hna.
*

4 Bawipa kha i bochan zungzal ko u,

o amah nih an huhphenh zungzal
+ hna lai.
*

5Aa porhlawmi cu a ṭhumh hna,

o an umnak khua ṭhawng kha
+ a hrawh i
o a kulhnak vampang cu a chimh
+ hna i leidip lakah an tlu.
*

6Atu ah cun rak hremmi nih khan

o a cung in an chawhhnawh i
+ an ke in an lamh.

Pathian Dinnak Thangṭhatnak

*

7 Bawipa, miṭha cu an lam na sialpiak hna i

* an zulhmi lam cu na pheiter.
*

8Nangmah duhnak kha kan zul i

o nangmah kha kan in bochan;
o kan duhmi cu nangmah na si ko.
*

9Zan ah nangmah kha kan ngai;

o vawlei le a cung i a ummi kha
o an bia na ceih tikah
o dinnak hi zeidah a si ti kha
+ an hngalh lai.
*

10Nang nih cun miṭhalo kha

o na zaangfah ko hna nain,
o dinnak tuah kha an cawng
+ duh hlei lo.
* Miding mi an umnak ram hmanh
o ah hin ṭhat lonak kha an tuah
+ ṭhiamṭhiam ko,
o na lianhngannak kha an hngal
+ duh hlei lo.
*

11Na ral nih, dan a kan tat lai, ti awk

+ an hngal lo,
o temhinnak pe hna law na timhmi
o dantatnak kha inter hna.
* Na mi kha zeitluk in dah na dawt hna
o ti kha annih cu hmuhsak hna. *26:11: Heb 10:27
*

12 Bawipa, nangmah nih rumnak

o na kan pek lai;
o kan tuah khawhmi thil vialte hi
o nangmah tuahmi lawngte an si dih.
*

13 Bawipa, kan Pathian, midang nih

+ an kan uk ,
* sihmanhsehlaw kan Bawi cu
o nangmah lawnglawng na si.
*

14Atu cu an thi cang i an nung ṭhan

+ ti lai lo,
o an thlarau cu a tho ṭhan lai lo,
o zeicahtiah nangmah nih dan na tat
o cang hna i na hrawh cang hna.
* Ahohmanh nih an hngal ti hna lo.
*

15 Bawipa, nangmah nih kan miphun cu

o na ṭhanter i
* a ram cu a kam kip in na kauhter,
o cucaah nangmah nih upatnak
+ na hmuh.
*

16 Bawipa, nangmah nih na mi cu dan na

+ tat hna i
o harnak an in tikah na sinah
+ thla an cam.
*

17Nau ngan a fakmi nu nih

+ a ai bantukin,
o nangmah nih na kan aiter, Bawipa,
*

18Kan ngan cu a fak ko, sihmanhsehlaw

o kan hrinmi zeihmanh a um fawn lo.
* Kan ram caah zeihmanh kan teimi
o a um lo i kan tuah khawhmi
+ a um lo.
*

19Kan mi hna a thimi kha

o an nung ṭhan lai!
* An pum kha a nung ṭhan lai.
* An thlan i a itmi vialte kha
+ an i hlau lai i
o lunglawm in hla an sa lai.
* Dapti nih vawlei cu a hrinter
+ ṭhan bantukin
* a thi ciami cu Bawipa nih a nunter
+ ṭhan hna lai. *26:19: Dan 12:2

Biaceihnak le Kir Ṭhannak

20Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u. 21Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

April 11, 2009

Jeremiah 23 :7-8

7“Cucaah cun zohhmanh, mi nih, ‘Israel mi Izipt ram in a chuahpitu hna Bawipa a nun bangin,’ ti si ti loin, 8‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.

Jeremiah 24:7

7Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

I Timothy 6 : 3-10

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu 4porhlawtnak in a khat i zeihmanh a hngal ṭung lomi an si. Biafang tete i al duhnak lungthin, a ngan a dam lomi duhnak a ngeimi kha an si i cu nih cun nahchuahnak, lung i khah lonak, pakhat le pakhat i nihsawhnak, pakhat le pakhat i lunghrinhnak 5le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

6Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si. 7Zeidah vawlei ah hin kan hun i chuahpi? Zeihmanh kan i chuahpi lo. 8Cu bantukin hi vawlei in kan kal tik zongah zeihmanh kan i kalpi kho lai lo. Cucaah cun rawl le fenh-aih kan ngeih ahcun cucu kan i zat awk a si ko. 9Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna. 10Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.


2 Timothy 2- 22

22Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

Psalm 110 : 4
Hebrew 7 : 23-25
Psalm 110: 4

4 Bawipa nih a fekmi biakamnak

o a tuah i a let ṭhan lai lo,
o “Nang cu zungzal in tlangbawi
+ na si lai,
o Melkhizedek tlangbawi a sining in
+ na si lai,” a ti. *

Hebrew 7 : 23-25

23Cun an i dannak dang a um rih: tlangbawi dang hna kha cu a thi lengmangmi an si caah an rian kha aa pehtlai kho lo i a tam zong an tam a herh. 24Sihmanhsehlaw Jesuh cu zungzal in a nungmi a si caah zungzal in tlangbawi a si. 25Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

April 7, 2009

Nai hrawng hi Phundang deuh in thil a lang i zapi sin i ttial awk an ttha tuk hna lo. Ibiatak taktak lo ahcun zumhnak nun i nun hi ttih anung chin lengmang cang lai...

Bible a rak lang mi hna...

Rome 1 : 16
Matthew 4 :13
Psalm 37 : 34
Psalm 37 : 37
2 Chronicle 14
2 Chronicle 15 : 2
Nehemiah 1
Nehemiah 9 : 1-6
Nehemiah 13

April 3, 2009

Nai hrawng hi phundang deuh tete i aummi an um, Zapi sin taar awk an ttha lo. Thil pakhatkhat acan lio ah I am here timi ai ttial peng i akam ah Vailamtah ai suai chih.. tuandeuh i vailamtah pathum alo kholo mi tu kha aum ti lo. A lo cang.


April 1, 2009

Isaiah 43 : 7
Isaiah 45 : 21- 22
1 Timothy 1;17
2 Thessalonian 1: 8-9
Revelation 21 : 27

April 2, 2009

James
..........................................................
Isaiah 43 ; 7
7Annih cu keimah mi an si i

o keimah sunparnak petu dingah
+ ka sermi an si,” a ti.

Isaiah 45: 21-22
21Ra u law biaceihnak hmun ah

+ nan bia cu ra chim tuah u;
o tazacuaimi hna cu pakhat le pakhat
o lungthin i cheu tuah u.
* Thil a um ding kha aho nih dah
o a hlankan in a rak thanh chung i
o cuticun a um te lai tiah aho nih dah
+ a rak chimchung?
* Cu ti a tuahtu cu Bawipa, a mi a khamhtu hna
o Pathian kha ka si lo maw?
* Pathian dang ahohmanh an um lo.
*

22Vawleicung mi vialte hna,

* keimah leiah khan i mer u law
o khamhnak hmu u.
* Keimah lawnglawng hi Pathian
o cu ka si ko.

1 Timothy 1-17

17Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

2 Thessalonian 1: 8-9

Meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai. 9-10Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai. *

Revelation 21:27
27Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai. *

James