Asitakak mi lawngte, khuaruahhar ngaingai khi arak si.
Kei :Zeitindah hibantuk thil na tonmi hi ai thok ning asi?
Amah: Kei hi Laica hmanh athiam lo mi, arek kho lomi, ka si, Bible rel zong ka thiam lo, hla hmanh chorus pahnih te lawng a thiammi ka si, thlacam ding hi aciah in kai ciah tawn. hawisin biachim te hna zong hi a ttih tuk mi ka si. Pathian thlarau nih hin bia hi a ka ruah peng i phung na chim lai, aka ti peng, zeitinhme kei nih cun phung cu ka chim khawh lai, zei taktak hmanh thiam mi angei lo mi nih hin, hawidang a thiam mi an tampi ko an mah nih chim ko hna seh, ka ti i ka el, mah ti i Pathian thlarau he bia kan iruah hi ka mang zong asi lo, ka cang taktak zong asi lo, kai fimhring bak hi asi ko na in ka thlarau khin ka um. Cuticun Pathian nih cun a phungchim ding cu aka fial chih peng, ka el lengmang i bia kan iruahnak ah hin ka khabe zong hi a faak dih, ka el ah hin ka taksa hna hi an faak tuk i celhding si lo ding tiang hna khin a faak. Bible caang a ka kau ter i Jonah ngapi i adolhnak kha rel dih a ka ti. Cun asi ahcun kai tim ko lai ka ti ah hin cu ka fahnak vialte cu adam colh. Zeihme ka chim lai ka ti ah hin Zeidang chim a hau lo, " Caan anai cang, nan lung ithleng cang uh ti hi aza ko" aka ti. Ziah chim vevek ah zeidang phung chim le sermon tthatha hna chim khawhnak hna teh na ka peek ka ti, "Chimding mi cu an chim dih cang, minung an lung a khong tuk cang i zeihmanh chim law a ttha hnem dingmi a um ti lo, zoh hna hmanh khih, ati i tholung hna khi a ka hmuh ter i na fih ko hna lo maw aka ti, fihtuk ka ti i, hi hmanh na fih ahcun minung lungthin fih anunning cu mah nak khan pei fih a nun deuh cu aka ti. Cuticun Pathian thlarau nih cun phung chim cu aka fial, tuan deuh ah cun ngaknu pahra le cheuhra cheukhat kong hi chim aka fial. Zaan ah hin khuachia hi kan inn chung ah khat tthup in an hong luut i an ka nih sawh, nang i na thiam mi hna hi cu zeihmanh asi loh ti in heh ti ah an ka nihsawh, ka kaa hna hi an ka phih i tape han in an ka sengh, i ka thin a hung tuk i khuachia he cun kan i vel, nan mah te hna cu vok chung ah pei Zisuh nih an tthawl hna kha, kal uh, Zisuh min in kan tthawl hna ka ti i Zisuh min ka chim ah cun an chuak colh ko, na in an rak ra tthan lengmang.
Thil biapi cemmi cu kan hnu Friday chun ah khan Van ah khin ca ai ttial i cukong cu tuzing ah khan asullam a ka chimh, (achimmi cu tuandeuh i Vanchumcung attial ning te kha asi)
Kan hnu Friday ah khan vaan ah ca ngan pi in ai ttial i relkhawh asimi cu IVOO ti asi. Micheu nih zeihmanh asi lo, vanlawng i ca an ttialmi asi an ti, cun Pathian thlarau cu tuzing ah ka hal i a ka chimhmi cu "Keimah ttialmi asi ko, na rel khawhlomi kha Who is the Kingdom, Who is the King? ti asi, IVOO timi i asullam cu Vulei hi ka ta asi, vulei cung ah ka ra tthan lai ti asi aka ti. cun Vulei cung ah a ka dir ter i vulei hi na hmu maw aka ti hmu ka ti, bia ka hal i, van i (Nika) khi zei caah dah na siam, zeidah a sullam a si ka ti i, can dawngh ni ah ka hman dih ding mi a si, Nika, Arfi le Thlapa hna khi alinh tuk ah anti dih lai a ti. Vanmi nih Vainam Saupi ai put i acan acu cang ka ti in vulei pi hi alai in ka cheu lai a ti.
Kei : Hika lei (Miracle) kan thiltonmi hiteh na rak thei ve maw?
Amah: Ka rak theih ko, ahramthok ah cun ka zumh na in acheukhat ka zumh khawh lomi tete hna an um i ka zuum ti lo ka ti. Asinain thlarau nih aka chimh i hihi ziah na zumh lo ahmaanmi pei asi cu, zuum aka ti i atu cu ka zumh tuk cang.
Pi Tha Fom Chin he phone chung i kan ihal mi asi.
...Let's be prepared for our spiritual future.....................................
No comments:
Post a Comment