Khuaruahhar

^{February 4, 2009 after 10:00 pm}

^{Matthew 11:27}

²⁷Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

Matthew 10:22

²²Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai. *

Matthew 10:32

³²“Amah mi ka si, tiah zapi hmaiah a phuang ngammi cu vancung khua i ka Pa hmaiah kei zong nih cuticun amah cu ka ti ve lai.

Matthew 10:34

Vawlei cungah daihnak tlunter awkah a ra, tiah ka ruat hlah u, daihnak tlunter awkah ka ra lo, vainam tlunter awk tu ah ka ra.

Matthew 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

Matthew 10:42

⁴²Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

Matthew 9:38

³⁸Cucaah rawlṭuan uktu bawi sinah cun, rawl ṭuantu tam deuh a thlah hna nakhnga, thla va cam tuah u,” a ti. *10:22: Mat 24:9, 13; Mar 13:13; Luk 21:17