Ka lu a faak ati, "zuumlotu an tam tuk i" ti in ai caih. Cun ka kut hi zoh ati i anu nih cun akut cu azoh i Vailamtah arak cuangmi kha arak puar tthan i arak chuahhmasa bik lio bantuk khan a hong fiang tthan. Thirkhenhnak hma te hna kha an hong chuak tthan. Cun ka ule ka hei auh hna, innpa Nanda te chung ka hei auh hna. Kai pom lio ah cun akut cu avan rengh i a van samh i Vailam tahmi bantuk khin a hung um. Athi taktak ding phun khin aum i ka thin zong hi aphang tuk. Ake ai chonh. Cun Bawizisuh a rak thih lio i alu avan ikhun bantuk khin alu avan thluuk. Cun thla acam mi bantuk khin aum. Cuti asi lio ah cun Pathian apum chung ah arak luut.
" Keimah hi nan biakmi na Pathian ka si. nan thlacamnak vialte ka theih dih" ati pah in kan minfang char in akan chonh. "Kafanu ttha te in nan ka congh piak. Aluancia kum 2000 lio zong ah khan atu bantuk hin an rak ka zuum lo. An rak ka serhset i cil an rak ka chaak." Noah lawng an rak tuk lio i thilsining bantuk kha atu a phan tthan lai ati.
Pathian a van luh le caangka in a aw hi ai dang i a aw aneem ning le athlum ning hi phundang tuk khi asi chimthiam asi lo, minung pahnihthum nih ttha te in kan hmuh dihmi kan theih dihmi asi. Kan ngaih achia tuk i kan ttah tuk nak ah achim mi kan thei cawk lo, kan ichinchiah thlu kho lo. Pumpaak in akan chonh dih.
Mahti anu le ahawile achonhbiak lio hna ah hin amah Aching ( Sung Sung) cu Vanram ah a rak kai. Ka kal cang lai ati bak in Pathian aw avan um ti lo avan ithleng, amah zong avan ihlau lai bantuk khin a um na in ai hlau taktak lo. Cu ti aum bu cun acting he bia heh ti ah achim i cu achim mi hna cu...
"Anuam tuk, pangpar lawngte asi. Aidawh tuk, vulei cung um cu ka zuam ti lo. Mipa hnih nih hin an ka congh peng i hna an kan hnawh tuk. Ahodah an si ti ah vanmi ka hal hna i Michael le Kepriel an si an ti. Hi hna hi rawlbawi an si ti asi. Bawizisuh tah khoikadah a um ti ah ka hal hna i vulei cung ah nangmah caah akal lio asi an ka ti. Rawl kan ei mi hi changreu le nga lawng te asi. Aka simhtuk ka ti i Strawberry an ka peek. Kei cu Tipil an ka in piak cang. An ka ttamh i kai dawh tuk ati. (Mah ati lio ah hin Sui powder timi phun adip tete atleumi tete kha a tak ah arak ivorh tthan i anule a hawile nih an hmuh piak). Mary nih aka pom i a ka ngai tuk mi khi a lo. Esther cu ai dawhtuk, ai dawhbik asi. Abaraham cu a khebe hmul asau tuk ati pah in amah zong nih akhabe cu ai zuun leen ve.
An ichinchiah mi atlangpi deuh asi. Details deuh zong in ttial khawh kan izuam te lai. Atampi i ttial cawk rih ding asi lo.
Zuumtu dihlak caah thazaang ah cang kho hraam seh, tukforhnak nih teinak ahmuh nak hnga lo thlacampiak kan herh ko an ti.
Hluanku pa
( kan theih thiam piak dingmi hna cu hi hna nufa nih hin bawmchantu an herh ngaingai. Pastor nih cutipi in an vehvat hna lo, anmah nih hihi asibak ti zong hi ralttha in an chim phuang ngam lo. Asinain an cung i thil atlungmi hi lunglawmte in an cohlaan i an ilawm. Mi caah zumhnak thazaang ader tertu le minchiatnak phun i a dihdongh sual lai hi an phaang tuk. Hiti lungrethei i anu a um ruang ah hin Anu ahnemnak caah " Biak I am here, Psalm 56 kha arak ittial. Cun anu Kiakte Pathian i bia aruah lio ah hin Psalm chung i ai ttialmi ning te khan.. "na mit thli hi Dur in kan khon piak ko" ti hna zong achim chih. Cu caah lungawttawm awk zeihmanh an ngei ti lo, asinain mi caah zeitindah thazang ah acan lai i Pathian timhlamh ning in zeitindah kan dirpi lai timi kongkau hi zeihmanh aruah awk an thei ve rih lo)
Hluan Koo pa, Ka khuaruah a har chin lengmang ko. Ka lawmhnak khun cu 2009 miracle year a ti ca ah ka lawm khun. A Ching(Sung Sung) ei dingah $50 0r $100 hrawng in kua hna ning law address na kan kua kho hnga maw? zei ti in kuat ah dah a that hnga. kooktut@gmail.com ah thawng van ka thanh than te law ka lawm ko hnga.
Hluan Koo pa,
ReplyDeleteKa khuaruah a har chin lengmang ko. Ka lawmhnak khun cu 2009 miracle year a ti ca ah ka lawm khun. A Ching(Sung Sung) ei dingah $50 0r $100 hrawng in kua hna ning law address na kan kua kho hnga maw? zei ti in kuat ah dah a that hnga.
kooktut@gmail.com ah thawng van ka thanh than te law ka lawm ko hnga.