From: Salai Bawi Uk Thang
Subject: [Metkhuabo] Miracle 2009
To: "Metkhuabo"
Date: Saturday, January 10, 2009, 11:25 PM
Hawil hna,
Atuhi Sung Sung te an inn in ka rak ttin bak in online phun in thlah khawh ka rak izuam colh. Kan vaphanh ka in an in ah thlacamnak kan ngei. Cun Tianzaan hrawng thilsining tlamtling deuh in kan iruah hna lai kan ti ah khin a baan le a ke ah ca cu an hong chuak tthan. Voidang nak in a fiang khun.
Hmanthlaak ah hin rak zoh ulaw, adongnak khi video file asi i camera i ka laakmi asi caah a fiang tuk meen lai lo.
I Am Real timi hi akehlei baan ah
Miracle: 2009 timi hi a orhlei baan ah
Cun a keh lei ngal ah. I Am Real ti cu ai ttial tthan.
Tianzaan i thilsining kong cu Private email a rak ka kua mi hna nan dihlak sin ah ka rak thlah cang. Zeicaah ti ah an mah zong an zumhnak hi a tthawngtuk ve lo. Zumhlonak he critique tuah mi nih hin Sung Sung ( Aching) hi alung azawr ter ngai i cu ruang ah cun congh a hauh peng nak zong hi si dawh asi.
Tianzaan zong ah cun Pathian hmurka, Pathian aw bak in..
"mah hi thil hi Noah nih lawng a rak tuk lio bantuk kha asi, " ati. Mitampi nih cun an zuum kho lai lo. Zapi sin i ca tam deuh ttial ah cun question a tam caah thazaang taktak i laak aduhmi deuh ca lawng ah hi hi langhter duh asi. Midang zumhnak azortertu i an can sual ding asi ah cun kan rak ttial ti lai lo.
Amin hi Sung Sung ti in ka ttial. Aruang cu Vanram ah Sung Sung ti in an ka auh ati. Mary nih a van ka pom cu aka ngai tuk mi khi alo, afanu taktak khi hei si ning law cu bang ati. Elijah zong ka hmuh, Esther zong ka hmuh hna i Esther ai dawh ning cu amak tuk ati. Abaraham, Michael, Kepriel le Pathian nih an ka tuai, an ka dai ka thling hna an ka zaat ati. Bawizisuh tucu nangmah ca ah vulei ah akal i a um lo an ka ti ati. Anih vancung a um lio ah hin anule ahawile, an chungkhar pumpak cio sin ah Pathian nih bia saupi arak ruah hna i pumpak biacah tete thazaang peeknak tete zong a chim dih hna. Healing power zong a peek mi a um. Hal duhmi nih hal khawh asi, pumpak in. Hi kong nih hin vulei acuul lai ti zong ati. Tampi aum rih i siaherhnak angeimi he tlingdeuh in iruah ding phun khi an si.
Thla acam mi hna hi " nan thlacamnak aw ka rak theih ko" ti i Pathian nih ati mihna nih an lung alomh ter ngaingai hna.
Zumhnak caah thazang ah cang kho hraam hna seh.
Hluanku pa
No comments:
Post a Comment