DEC 12, 2009

Be strong

Efesa 6:10

September 21, 2009

I am coming soon

Tell the good news

Beginning

Romans 3:25

25Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

Romans 3:25

25Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

Updates

July 6

Acts 20:35


Matthew 16:27


John 11:4

Matthew 10:28

Matthew 10 : 28

Letter from Tachileih Children

Letter from Tachileih

Keimah ka min cu Ye Ye Mon asi. Duhpiaknak le nawlpatnak he mah hi ca hi ka rak ttialmi asi.
2009 February 24 Tuesday ah khan kan mah kan khua Wancohlung khuate i chungkhar inn cungdot ah daite in thlacamnak kan tuah i culio ahcun thiangthlarau tthawnnak arak iphuang i suimilaam pa 3 chung thiangthlarau rianttuannak cu aum.

Mah ti hin asi. Feb 24 chun suimilaam 12 ah hin kan fanu Mah Sheme nih Bible caang pahnih arak ka peek. Cu Bible caang hna cu Acts 3: 1 le Acts 10: 30 an si i Thiangthlarau nih akan peekmi asi ti ah achim. Cun Zanlei suimilaam 3 pm ah chungkhat dihlak a kan auh i thiangthlarau fialnak aum caah pumhnak kan tuah ahau ti asi. Cuticun pumhnak cu kan tuah i keimah nih pumh cu ka hruai hna. Minute 15 hrawng arauh ah khin hngakchia cu an dihlak in an ttap dih.

Hngakchia hna nih cun Kan Bawipa Zisuh vailam cung i athih ning kha aning te in kan hmuh i aruak cu kan hmai ah fiang te in alang an ti. Cun Bawipa Zisuh nih cun akan thawh i nanmah caah mah tluk hin teminnnak ka tuar na in nan ka zuum duh lo ati i akut le ake i thirkhenhnak hma, a hnaak i fei i an chunhnak hma le athilpuan thi ai neh dihmi hna cu fiang te in akan hmuh ter dih an ti. Cuthil cu hngakchia hna nih an hmuh tik ah an ttap dih i an ttahmi kan hmuh tik ah upa zong kan ttap dih ve. Thingthlarau mei bang arak iphuan caah kan kut a hit dih an ti. Upa zong kan kut a lin dih ve. Micheu cu kan ka aliin a hit an ti. Hngakchia hna cu an cal le an kut ah Bawizisuh thisen in Vailamtah tazeih (Stamp) an ituah dih hna. Thlacamnak i ai telmi upa sin zong ah vailamtah tazeih cu an cuang ve. Cu nii ah thiangthlarau rianttuannak acohlaangtu hngakchia 12 an si i cuhna lak ah holhtheihlo i thla acam khomi pa 11 an si. Thaingthlarau nih cun Tacihleih khua pawngkam i a ummi Khrihfabu kip ah Pathian nih an sin i aphuanmi thil hna tehte va khaan ding le lunglomhnak thawngtthabia phuan aherh ti in hngakchia pakhat sin ah phuan asi. 2010 ca ah hin “ G” timi hmelchunnak hmuhsak an si i cunitiang cu thlarau rianttuannak thawngttha phuan ding in chim an si.

Mahhi kan fapa kan fanu hna sin i phuan asimi ah hin Bawipa Zisuh avoihnihnak aratnak ding le biacaihnak caan anaih tuk cang nak kong hi fian ter asi biik. Feb 24 ri in atu tiang kan fale hna he thlacamnak nifatin kan ngei. Rian lianngan bik i fialmi asimi cu zuumtu hna zumh tlak te i umding, thinglung rak iremhchun ding, Bawipa arat laiding caah timhlamhnak ngeihding timi hna hi an si. Mivialte hi ihliphlau te in an um a hau, an theih ve a hau ti kha pical ngai in fial chih kan si an ti.

Thaingthlarau nih hngakchia hna sin i achimphuanmi hna cu Hell ram kong, Vansuikhualipi kong, Bawipami hna cawilaaknak kong, Harsatnak nipini kong, Biacaihnak kong tibantuk an si i khuaruahhar in fiangternak peek an si.

Atu i ka rak in kuatmi hna Pathian bia hna hi kan fale hna nih an chimphuan mi lawngte an si. Hi kong hi Lahu Biaknak lei zungpical deuh hna sin zong ah fial an si bantuk in peek chih dih an si. Mahhi cakuat sin ah tehte khaan ka duhchihmi cu vulei i ahnubiik caan caah asunglawibikmi laksawng kan fanule kanfapa le hna sin in kan hmuhmi asi ti hi asi. Aralaimi caan he pethlai in hi Bible caang hna hi ahmuhter mi hna an si. 1 Thes 5:3, Rev 12;2, Rev 12:12, Genesis 6: 12-13, Malachi 4: 1-5, 2 Peter 3: 8-9, Genesis 2: 2-3, Mark 1: 15. Mah hi Bible caang pa 8 hna hi apeek hna i cucun achim rihmi hna cu vulei hi nau nganfah bantuk in fahnak faakpi he hruam-ai cukmak in aum lio asi cang nak kong kha chimh an si. Noah chan bantuk in vulei hi ttawltthan can aphanhnak kong, tuksapuur asimi nii hna arauh hlaan ah an tlun cang lai nak kong zong kha chimh an si i an theihmi cu mivialte sin ah phuan ding kha fial an si. Hi hngakchia hna nih an hmuhtonmi thil hin Khrihfabu kip zong ralrin peek dih an herh.

Kanmah nupa zong hi Pathian nih hnagkchia zohkhenhtu sining in rian akan fialmi kan si i kan tukhaal cu Bawipa Zisuh asi tihi hi hngakchia hna sin lila in chimh kan si. Mah bantuk thil lianngan kan cung i atlun caah Bawipa cu kan thangtthat ko.

Thiangthlarau laksawng ahmumi hngakchia 12 hna

Min Kum Thiangthlarau nih minthar apeekmi hna min

1. Mah Thuzarmun 8 Yawkebet
2. Mah Dilanah 10 Hannah
3. Mah hlahhlahsan 12 Mary
4. Mah Sahmawna 7 Ella
5. Mg Linhting 12 Samuel
6. Mah Lele wah 13 Dawka
7. Mah Nathtawshi 12 Elizabeth
8. Mah Christina 14 Rebecca
9. Mah Ayemaynah 14 Martha
10. Mah Thing Hing Za 19 Rachael
11. Mg Malihkhah 19 Malachi
12. Mg Nainaiwaylintun 18 Peter

Hngakchia zohkhenhtu pahnih

1. U Solomon U Elijah
2.Daw Ye Ye Mon Dawh Sara

Abiapi cemmi

A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u,” tiah a ti hna ( Mark 1: 15).

Chirhchan ding

Matthew 6: 33-34
Matthew 4: 4
John 14: 6

Hlaanlio Profet hna chimchungmi atu i atling cuahmah mi hna

1. Joel 2: 28
2. Malachi 4:1-5
3. Acts 2:17
4. Acts 2: 18-21
5. Luke 10:21, 10: 24
6. Joel 2: 29-32

Bawipa bia cu atling ding hrimhrim an si. Ahohmanhnh chap hna hlah seh, zuuk hna hlah seh atimi Bawipa bia hna

7. Ecclesiastes 12:32
8. Matthew 5: 18
9. Luke 21: 33
10. Rev 22:19
11. Proverb 30:9


Thiangthlarau rian pa 3

12. John 16:8, 16: 13, 6: 63

Thiangthlarau sin ah palhsualnak

13. Mark 3: 28-29
14. Matthew 12: 32

Atheitlai in akung cu theih asi

15. Luke 6: 43-45

Thiangthlarau laksawng pa (9)

16. 1 Corinthians 12: 7-11,1 Corinthians 14

Thangtthatnak hla
17. Psalm 23:4

Thuamle thil he pehtlai in
18. 1 Chronicle 16:7, Psalm 133:2, Proverb 23:26

Bawipa duhnak cu vulei cung ah tling cang ko seh
Matthew 6: 10, 1 Timothy 2:4

Ahmebik sin ah

19. Matthew 25: 45
20. Matthew 18: 10-11
21. Matthew 25: 31-46
22. Matthew 10: 32-33

Bawipa abia le anaih mi hna cu

23. John 4: 23-24

Khrihfabu hna caah

24. Revelation 3:13


Lunglomhnak tampi he

Wancohlung Hngachiabu, Tachileih khua

Alettu : Salai Bawi Uk Thang, Maryland, USA
……………………………………………………………………

A tlai rih lo

Sihmanhsehlaw Bawipa kha bawmhnak a halmi paoh nih khamhnak an hmuh lai. Bawipa nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. Bawipa nih a thimmi hna cu an nung lai (Joel 2: 32)

Mahhi Pathian bia hna hi Bawipa nih amithiang hna alaak tik hna ah
Rang dang pakhat a hung chuak i rang sen a si. A cung i aa citmi cu, vawlei cung i ral thawhternak ṭhawnnak kha an pek, cucu zeicahdah a si tiah, mi kha pakhat le pakhat i that hna seh, ti caah a si; amah cu vainam nganpi an pek (Revelation 6:4)

Thiangthlarau cu laak an si tik ah..

Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai ( Mat 24:9). Hhmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung le hmelchunhnak ngan pipi kha van in an lang lai .Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai. 13Cucu nan ca i Thawngṭha chimnak caan ṭha a si lai. 14Zeitindah kan i runvennak ding caah bia kan chim lai tiah a hlankan in nan lungre rak thei hlah u; *15zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai. Nan nu le nan pa, nan u nan nau, nan sahlawh nan rualchan, nan hawi nan kom hna nih khan an in rawi hna lai i nannih lak i a cheukhat cu thahnak nan ing lai. Keimah ruangah mi kip nih an in huat hna lai (Luke 21: 11-17).
Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si. (Rev 13:7). Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si. *5Hi mi hna thah cu khaubawk kha onh an si lo, a hrem lawng thla nga chung nan hrem hna lai, ti an si. Cu an hrem hnanak fahning cu tlangngaikuang mi henh bantuk khi a si lai (Revelatin 9: 4-5). Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai; * 8an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si (Revelation 11: 7-8). Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si (Revelation 13: 8).
Dawtmi zuumtu unau hawile hna
Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai Daniel 12: 1. Mahhi caan a phaak tik ah nunnak ca uk chung i min khumh asimi hna cu khamh an si lai. Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i 17cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai. 18Cucaah pakhat le pakhat hi bia hin nan tha i nuamter cio u (1 Theselonians 4: 16-17).
Hi caan aphaak tik ah Bawipa fekte i ai tlaih pengmi, vulei cung nawlngeitu hna nawlpeekmi ngai lo in Khrih Bawipa sin ah anunnak tiang ai ap i hremnak le thahnak tiang a tong taktak mi hna cu an thlarau khamh an si ko lai. An thlarau khamhnak kha nunak peek taktak lawng in hmuhkhawh asi caan a phaan lai. Cu caah cun Atlai rih lo ti in Ralrin peek fial kan si nak chan hi asi.
Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u. 2Pathian nih,
• “Nanmah cu zaangfah kan duh hna
o caah kha caan ah khan nan bia cu
 ka rak in theihpiak hna i
• Khamh kan duh hna caah
o kha ni ah khan ka rak in bawmh hna,”
tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si! (2 Cor :2)
Cu tikah cun atu i a hmanung bik hi a hmasa bik an si lai i atu i a hmasa bik hi a hmanung bik an si lai,” tiah a ti (Luke 13: 30). Cu caah hi pahnih hi ithim. Cun hi miphun cu hi tiin na chimh fawn hna lai. Hi bangin Bawipa nih a ti: Zohhmanh u, nunnak lam le thihnak lam i thim awkah kan pek hna. 9Hi khuachung i a tangmi paohpaoh cu vainam le mangṭam le rai in an thi lai; sihmanhsehlaw a chuak i an kulhtu hna Khaldi mi hna sinah aa pemi cu an nung lai; a nunnak ceoceo tal cu aa luatpi lai (Jeremiah 21: 8-9).

Zuumtu hna nan zumhnak ah fekte in dir caan asi.

Sihmanhsehlaw limkeng cu a sung i amah le a vancungmi hna cu van ah umnak nawl an ngei ti lo. 9Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.
John 8: 44 : 44Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si (Revelation 12: 8-9). Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai (Matthew 24: 24).

Cu caah hi Pathian biathuuk hna theihter na si tik ah tukum chung i na caan suimilaam ataangmi cu Bawipa sin ah na chanh i na thinlung dihlak he nai peek cu na caah thil tthabik asi.
John 4: 23-24 ah Bawipa cu thlarau le biatak na biak lai, cun 1 John 1: 9 ah : Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.
Mah hihi Bawipa nih ka sinah a chimmi bia an si. A ka thawh i, 2“Mipa, na mi cu chim hna law, hitihin ti hna: Ram pakhatkhat doh awkah ralkapbu cu ka kalter hna tikah, cu ram mi nih cun anmah lak i pakhatkhat cu ralvengtu ah an i thim hna. 3Cu pa nih cun ral kha an rat a hmuh i ralrin peknak caah a muko kha a tum i 4sihmanhsehlaw pakhatkhat nih cu cu zei ah a rel lo i ral nih an phanh ahcun, amah cung i a tlungmi kongah amah cu mawhchiat awk a si ko lai. 5Amah mawh a si ko, zeicahtiah ralrin peknak thawng kha a theih tikah zeihmanh ah a rel lo; rak rel seh law cu a luat ko hnga. ( Ezekial 33: 1-5). 7Cu caah i thianter u law, thianghlim tuah u; zeicahtiah kei cu Bawipa nan Pathian ka si ( Leviticus 20: 7).
Bawipa nih hi hngakchiabu hna hi Special in athim ve mi hna an si. Aralaimi thil umtuning kong hi Bible chung lila i an umning bantuk in ralrinnak thiam khawhnak ding caah mah hngakchiabu hna hi hman an si( Ezekial 33: 1-33, Revelation 14: 6-10).
" 10" ri in cun harnak nganpi atlung lai ti ah Bawipa nih achim chung cang. Cu caah....,
Cucaah cun Pathian i ami a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si. (1 Timothy 3: 17). A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti ( Rev 1:11). Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai ( Matthew 24: 14). Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lailo,” a ti ( Rev 2:11). Cucaah nan Bawipa a rat lai ni nan hngalh lo caah ralring tein um ko u. 43Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo. Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai ( Matthew 24: 42-44).
Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh. Aw thang piin, “Pathian kha ṭih u law a lianhngannak kha thangṭhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti. Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti. Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun, Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai. A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo ( Rev 14: 6-11).
Tho tuah, Jerusalem, ni bantukin tlang tuah; Bawipa sunparnak cu na cungah a tlang ( Isaiah 60:1).
Bawipa nih hin ahodah kan khamh lai, ti ah akan hal. Vulei cung i holh phunkip ahmangmi miphunkip sin ah ahonihdah akakal piak lai ti ah hal kan si. Nanmah cio in rak answer cio ko uh.

Hi hngakchiabu hna sin i Thawngthabia phuan fial asimi hi 2009 December thla tiang lawng asi. 2010 hnu ah zeihmanh tuahnak nawl peek an si ti lo. Hi rian lianngan tlam atlin khawhnak ding ah careltu dihlak sawm kan si.

Lunglomhnak tampi he,

Bawipa nih ahleice in athimmi hngachiabu
Wancohlung village, Tachileih, Shan State
Note: Mah hica hi hngakchiabu hna sin ah mahtihin nan chim nan rellai ti i chimfial an sining te in ttialmi asi. Akarlak ah holh hmanmi idan ruang ah palhsual zong a um kho i palhmi aum sual asi ah cun Bawipa nih kan ngaithiam hraam seh. A lettu ... Salai Bawi Uk Thang, Maryland, USA.

P.S. Mah hi ca arelmi dihlak nih nan relmi hi nan hawile naihniambik nan chimh cio hrimhrim hna ding le minung pakhat tal hawi nan sawm hna i nan theih ter cio dingmi hna cu alianngammi duhpiaknak asi.
……………

Jude 23-24

June 23

Matthew 22: 1-14

June 22, 2009

Johan 3: 30

updates

These are the latest miracle writings revealed to Aching on June 16, 2009.


Deu 30: 3-4
Deu 30: 10-12
Exodus: 23:24
Psalm 19: 7
God is good all the time
Isaiah 43: 7
Revelation 21: 27
Revelation 20: 15
The time will end soon
2Theselonian 1: 8,9
Esther 3: 11

Latest updates

June 7, 2009

Atanglei Bible caang hna hi Sunday, June 7, 2009 i a rak ittialmi an si. Bible ca ttial in Pathian biatak akan chim tu Aching (Far Hlei Sung) hi thla acam kho mi nih cun thla rak cam piak cio uh. Zeican tiang dek Pathian nih ahman rih lai theih asi lo, asinain thil tampi atangmi um rih dawh asi i zumh lo awk ttha lo hrimhirm an si rih ko lai nain a lungthin inkhar akhaar cangmi nih cun an zuum hlei lai lo. Bawipa nih hmelchunhnak in thilsining akan chimhmi hi asawhsawh in ruat hrimhrim hna hlah uh. Zeidang vialte nak in Pathian biatak kha itlaih hmasa khawh izuam cio hn uh. Vulei asi caah vulei cu kan thlah kho lai lo, asinain Pathian bia ngaih bu in Pathian ttih bu in caan hman khawh tuk asi, cucu zuumtu nun cu asi. Caan kong chimmi zei i arellomi zuumtu na si sual ah cun mi vaanchia na va si dah.

Luke 18 : 22

Hebrew 11: 8

Rome 5 : 12

John 7 : 38

John 11 : 40

Luke 10 : 20

Daniel 5 : 20

Matthew 8 : 11

Matthew 7 : 22-27

Luke 6 : 47-49

Revelation 1 : 7

Updates

May 30 kha Benny Hynn crusade asi i cuka ahcun avai ipuum ve. Pumh an chuah pah ah khin " I am coming " timi ca arak ittial.

Cun zarhpini (May 31)hrawng kha California lei in Pastor pakhat nih thilsining hmuhve hrimhrim ah ka rak ra ti asi i thlacamttinak an ngei. Culioahcun ahnu bik i arak ittialmi Zachariah 4: 6 kha arak ittial tthan.

May 10, 2009

Zachariah 4 : 6

Bible Verses revealed to Children

Matthew 6 : 10

Matthew 25 : 45

Matthew 18 : 10- 11

Matthew 10 : 32 – 33

Matthew 3 : 6

Matthew 6 33- 34

Matthew 4 : 4

1 Timothy 2: 4

John 4 : 23-24

Matthew 5 : 18

Joel 2 : 28

Matthew 12 : 32

2 Peter 2: 4

John 14: 6

Rom 8 : 9

Revelation 13 : 8

Rome 8 : 16

Revelation 19: 10

Ecclesiastes 7 : 9

1 Thessalonians 5 : 24

Luke 21 – 33

1 Peter 4: 7 : 8

1 Timothy 4 : 13

Malachi 1 : 4-5

Act 2 : 17

Acts 2 : 18 – 21

Luke 10 : 21

Luke 10 : 24

Joel 2 : 29 – 32

Ecclesiastes 12

Luke 21 : 33

Revelation 22- 19

Revelation 20: 15

Revelation 21 : 8

Revelation 22 13

Revelation 22 : 13

Revelation 21 : 6

Revelation 22: 16

Revelation 22: 7

Revelation 3 : 13

Proverb 30: 9

John 16 : 8

John 16 : 13

John 6 : 63

Mark 3 : 28 – 29

1 Corinthian 12 : 7- 11

I1 Corinthian 14 : 2

1 Chronicle 16 : 7

Psalm 133 : 2

Proverb 23- 26

Matthew 6 : 10

¹⁰Na pennak cu rung tlung ko seh,

• Vancung ah na duhnak
• an tuah bangin
• Vawlei cungah hin tuah si ve ko seh.

Matthew 25 : 45

⁴⁵Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

Matthew 18 : 10- 11

¹⁰“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko. ¹¹Mi Fapa cu a tlaumi khamh awkah ka ra.

Matthew 10 : 32 – 33

³²“Amah mi ka si, tiah zapi hmaiah a phuang ngammi cu vancung khua i ka Pa hmaiah kei zong nih cuticun amah cu ka ti ve lai. ³³Sihmanhsehlaw zapi hmaiah, amah mi ka si lo, tiah aa phehmi cu vancung khua i a ummi ka Pa hmaiah cuticun ka ti ve hna lai. *

Matthew 3 : 6

⁶an sualnak kha an i phuang i Jordan tiva ah khan tipilnak a pek hna.

Matthew 6:33- 34

³³Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai. ³⁴Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung i a dang chonh chih lengmang hi a herh lo.

Matthew 4 : 4

⁴Jesuh nih cun, “Cathiang nih pei,

• ‘Minung hi rawl lawngin
• a nung kho lo,
• sihmanhsehlaw Pathian nih
• a chimmi bia paoh cu a nunnak
• a si lai,’ a ti kha,”
  tiah a ti. *

1 Timothy 2: 4

^-4Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

John 4 : 23-24

²³Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si. ²⁴Pathian cu thlarau a si i a biatu hna nih cun thlarau le biatak in an biak awk a si,” tiah a ti.

Matthew 5 : 18

⁸Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo — zeizong vialte hi a donghnak an phak hlanah cun an rawk lai lo.

Joel 2 : 28

²⁸“Cun cu hnuah cun, mi vialte kha

• ka thlarau ka toih hna lai i
• Nan fapa hna le nan fanu hna nih
• ka bia kha an chim lai,
• Nan tar hna nih mang an manh lai i
• Nan tlangval hna nih langhnak
• an hmuh lai. *

Matthew 12 : 32

³²Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo. *

2 Peter 2: 4

⁴A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

John 14: 6

⁶Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo

Rom 8 : 9

⁹Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

Revelation 13 : 8

⁸Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si. *

*** Revelation 13 : 18 (Aching baan i 5-4-2009 i ai ttialmi asi)

¹⁸Hika ah hin fimnak hman a hau. A fimmi paoh nih cun sahrang nambar cu an tuak khawh ko lai, zeicahtiah cu nambar cu mi pakhat min ca i hmanmi a si. Cu min nambar cu za ruk sawm ruk paruk a si.***

Rome 8 : 16

¹⁶Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

Revelation 19: 10

¹⁰Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti.

Profet hna kha lungthawhnak a petu cu Jesuh nih a phuanmibiatak kha a si.

Ecclesiastes 7 : 9

⁹Na thin i sum khawh kha i zuam,

• lungchung in mi uam peng hi
• hruh a si. *

1 Thessalonians 5 : 24

²⁴Nanmah an autu hna cu zumh awk tlak a si caah cucu a tuah lai.

Luke 21 – 33

³²“Mah hihi philh hlah u: Hi thil vialte hi atu i a nungmi hna an thih dih hlan ah hin a tlung lai. ³³Van le vawlei cu an rawk lai, sihmanhsehlaw ka bia cu an rawk lai lo,” tiah a ti.

1 Peter 4: 7- 8

⁷Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai. ⁸Zeidang vialte nakin, pakhat le pakhat lungtak tein i daw u, zeicahtiah dawtnak nih cun sualnak tampi kha a khuh khawh. *

1 Timothy 4 : 13

³Mizapi cu ka rat hlantiang Cathiang kha rak relpiak lengmang hna, phung kha rak chim lengmang hna law rak cawnpiak lengmang hna.

Malachi 1 : 4-5

⁴Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai. ⁵Nanmah hrimhrim nih nan mit in nan hmuh lai i nanmah hrimhrim nih, “ Bawipa lianhngannak nih Israel ram leng kha a phanh,” nan ti lai.

Act 2 : 17

¹⁷‘Ni hmanung bik ah cun mi vialte kha

• ka Thlarau ka toih hna lai.
• Nan fapa hna le nan fanu hna nih
• bia an chim lai;
• Nan tlangval hna nih langhnak
• an hmuh lai i
• Nan tar hna nih mang an manh lai. *

Acts 2 : 18 – 21

¹⁸Asi, ka salnu hna le ka salpa hna cung

• hmanh ah khan cu ni ah cun
• ka Thlarau kha ka bungh lai i
• bia an chim lai.

¹⁹Cunglei van ah khin khuaruahharmi

• thil ka tuah hna lai i
• Tanglei vawlei ah hin hmelchunhnak
• ka umter hna lai — thisen le
• mei le a chahmi meikhu an si lai.
• 
  

²⁰Bawipa Ni, a sunglawimi ni le

• a liannganmi
• ni a phak hlanah khan
• Ni cu a mui lai i thlapa cu thisen
• bantukin a sen lai.
• 
  

²¹Cu tikah Bawipa min a aumi paoh cu

• khamhnak an hmu lai,’ a ti.

Luke 10 : 21

²¹Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

Luke 10 : 24

²⁴Zeicahtiah fiang tein kan chimh hna, profet tampi hna le siangpahrang hna nih nan hmuhmi hi hmuh an rak duh ko nain an hmu kho lo, theih an rak duh ko nain an thei kho lo,” tiah a ti hna.

Joel 2 : 29 – 32

²⁹Khi ni ah cun, salpa hna le

• sal nu hna hmanh kha, ka thlarau
• ka toih hna lai.
• 
  

³⁰“Cu ni a rat lai nakding

• hmelchunhnak hna cu van le
• vawlei ah ka langhter hna lai:
• Thisen chuahnak le mei le meikhu
• tlangtlang an si lai.
• 
  

³¹A lian a ngan i ṭih a nungmi ni, Bawipa

• ni cu a phak hlanah,
• Ni cu a mui lai i thlapa cu thisen
• bantuk in a sen lai. *2:31: Mat 24:29; Mar 13:24-25; Luk 21:25; Biat 6:12-13
• 
  

³²Sihmanhsehlaw Bawipa kha

• bawmhnak a halmi paoh nih
• khamhnak an hmuh lai.
• Bawipa nih a chim bangin,
• Zion Tlang cungah le Jerusalem
• khuachung ka khatkhat ah,
• a luatmi hna cu an um lai.
• Bawipa nih a thimmi hna cu
• an nung lai.” *

Luke 21 : 33

³²“Mah hihi philh hlah u: Hi thil vialte hi atu i a nungmi hna an thih dih hlan ah hin a tlung lai. ³³Van le vawlei cu an rawk lai, sihmanhsehlaw ka bia cu an rawk lai lo,” tiah a ti.

Revelation 22- 19

¹⁹Cun hi cauk chung i aa ṭialmi profet bia kha azeihmanh a hlawmi cu, hi cauk chungah aa ṭialmi nunnak thingkung theitlai a co hnga ding le Khua Thiang chung i um venak a co hnga ding cu Pathian nih a lakpiak lai.

Revelation 20: 15

⁴Cun thihnak le mithi khua cu mei tili chungah khan an paih hna. (Hi mei tili hi thih voi hnihnak cu a si). ¹⁵Nunnak cauk chungah an min aa ṭial lomi paoh cu mei tili chungah cun an paih hna.

Revelation 21 : 8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

Revelation 22: 13

¹³Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti. *

Revelation 21 : 6

⁶Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

Revelation 22: 16

¹⁷Thlarau le va ngei laimi ngaknu nih khan, “Ra u,” an ti.

Hi bia a theimi paoh nih khan, “Ra u,” ti ve hna seh.

Ti a halmi paoh cu ra u, nunnak ti hi a duhmi paoh nih manloin i lak u. *

Revelation 22: 7

⁷Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.

Revelation 3 : 13

¹³An kaa cu khar lomi thlan bantuk a si,

• An hmur in thihnak bia, rul sivai
• bantuk kha cat loin a chuak; *3:13: Slm 5:9; 140:3

Proverb 30: 9

⁹Zeicahtiah tam tuk ka ngeih ahcun

• kan hlawt sual lai i, “ Bawipa cu
• aho hen dah a si?” ka ti
• sual lai;
• ka si a fah ahcun ka fir sual lai i
• ka Pathian min cu ka thurhhnawmh
• sual lai.

John 16 : 8

⁸A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

John 16 : 13

¹³Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai. ¹

John 6 : 63

⁶³Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

Mark 3 : 28 – 29

²⁸“Hihi va philh hlah u. Minung hi an sualnak vialte le thil ṭhalo an chimmi vialte ngaihthiam khawh an si ko lai, ²⁹sihmanhsehlaw Thiang Thlarau ralchanh in bia ṭha lo a chimmi cu zeitikhmanh ah ngaihthiam khawh an si lai lo, zeicahtiah zungzal in a hmunmi sualnak kha an tuah cang,” tiah a ti. *3:29: Luk 12:10

1 Corinthian 12 : 7- 11

⁷Thlarau kan chung i a um kha phun khatkhat in a lang cio i cucu kan dihlak ca i ṭhatnak ding caah khan a si. ⁸Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek. ⁹Cu Thlarau ṭhiamṭhiam nih cun pakhat cu zumhnak a pek i pakhat cu damter khawhnak ṭhawnnak a pek. ¹⁰Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek. ¹¹Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

1 Corinthian 14 : 2

²Holhtheihlo in a holhmi cu minung sinah si loin Pathian sinah bia a chim a si, zeicahtiah ahohmanh nih a chimmi kha a sullam an hngal lo. Thlarau nih khan cu ti bia chim khawhnak cu a pek cu a pek ko lai, sihmanhsehlaw a chimmi cu hngalh lomi thil a si.

1 Chronicle 16 : 7

⁷Cun khi ni ah khan David nih Bawipa sin i lawmhnak hla sak awkah Asaf le a unau rual cu a thiah hna.

Psalm 133 : 2

²Aaron luthlung in a khabe ah,

• a khabe in a angki hngawng ah
• a vung luangmi oliv chiti
• bantuk a si.

Proverb 23- 26

⁶Ka fapa, ka bia cu i chingchiah hna

• law ka nunning hi i zohchunh tuah.

Bible Verses revealed to Children in Myanmar (Tachileit)

Genesis 6 : 17

¹⁷A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

Ecclesiastes 8 : 13

¹³Sihmanhsehlaw miṭhalo mi hna caah cun a ṭha dih ko lai lo, an nunnak cu thladem bantukin a liam zau ding an si i Pathian an ṭih lo caah an no tein an thi lai,” an ti.

Matthew 24: 42- 44

²Cucaah nan Bawipa a rat lai ni nan hngalh lo caah ralring tein um ko u. ⁴³Hihi philh hlah u: Inn ngeitu nih mifir a rat lai caan kha hngal seh law, hngilh lo tein a rak um hnga i mifir kha a inn chungah a luhter hnga lo. *24:43-44: Luk 12:39-40 ⁴⁴Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

Matthew 24: 37- 40

³⁷Mi Fapa a rat cu Noah chan i thil umtuning bantuk kha a si lai. *24:37: Gen 6:5-8 ³⁸Tilian a tlun hlan, Noah lawng chung i a luh ni tiang kha, an ei an ding an i ṭhi an i um i ³⁹tilian a hung tlun taktak i a fenh dih hna hlantiang kha cu, zeihmanh an hngal lo. Mi fapa a rat tikah cun cu bantuk cun a si lai. *24:39: Gen 7:6-24 ⁴⁰Cu caan ah cun mi pahnih lo ah rian a ṭuanmi hna lakah pakhat cu kalpi a si lai i pakhat cu nganhta a si lai.

Matthew 25: 1

¹“Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

Matthew 25: 21

²¹A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

Mark 8: 36-37

³⁶Mi pakhatkhat nih vawlei hi a ning piin co seh law, a nunnak sung ṭung seh law, zeital a miak hnga maw? Miak hlah! ³⁷Cun a nunnak cu zeital in a caw ṭhan kho hnga maw? Caw ṭhan kho hlah.

Mark 13: 19

¹⁹Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

Luke 13 : 22-30

²²Jesuh cu Jerusalem i a kalpah ah khan khua kha a pal duahmah hna i a cawnpiak pah lengmang hna. ²³Mi a cheukhat nih bia an hal i, “Bawipa, mi hi tlawmte lawng maw khamh an si lai?” an ti. ²⁴Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

²⁵“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai. ²⁶Cun nannih nih nan leh ve lai i, ‘Na sinah pei rawl kan ei i ti kan din kha, kan khua ah pei na kan cawnpiak kha,’ nan ti lai. ²⁷Anih nih an thawh hna lai i, ‘Khuazei in nan rat kan hngal lo. Nannih ṭhat lonak a tuahmi vialte hna, ka sinin kal ko u,’ a ti hna lai. *13:27: Slm 6:8 ²⁸Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai. *13:28: Mat 22:13; 25:30 *13:28-29: Mat 8:11-12 ²⁹Nichuah, nitlak, chaklei, thlanglei, in mi kha an ra lai i Pathian Pennak cabuai ah khan an ṭhu lai. ³⁰Cu tikah cun atu i a hmanung bik hi a hmasa bik an si lai i atu i a hmasa bik hi a hmanung bik an si lai,” tiah a ti. *

Luke 17: 26-30

²⁶Noah chan ah a rak si bantuk khan Mi Fapa chan zongah a si ve lai. *17:26: Gen 6:5-8 ²⁷Noah nih lawng chungah a luh i buanchukcho kha a tlun i an thih dih ni tiang hrimhrim kha, an ei an ding an i ṭhi an i um ko. *17:27: Gen 6:5-8 ²⁸Lot chan i a rak si bantuk khan a si ve lai. An ei, an ding, an i caw an i zuarh, thlaici an cing, inn an sa. *17:28-29: Gen 18:20—19:25 ²⁹Lot cu Sodom in a chuah ni ah khan mei le kat cu vancung in a rung sur i a thah dih hna. ³⁰Cuticun Mi Fapa a langh ni ah cun a si ve lai.

1 Peter 5: 8

⁸Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

John 14 : 1-3

¹Khuaruahhar lungrethei in um hlah u. Pathian kha zum u, keimah zong kha ka zum ve u. ²Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo. ³Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

Rome 3: 1-10

¹A si ahcun Judah mi nih cun Jentail mi hna nakin ṭhatnak zeital an hmu deuh kun maw? Cuarpartan cu santlaihnak zeital a ngei kun maw? ²A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si. ³Asinain a cheu kha zumh awk tlak lo an rak si si kaw, zeitindah a si kun lai? Cu ruangah cun Pathian zong cu zumh awk tlak lo a si ve lai tinak a si maw? ⁴Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih,

• “Bia na chim tikah na chimmi cu
• ahmaan ti kha a lang lai i
• tazacuai na si tikah na bia cu
• na tei lai,”
  tiah a ti bang khan a si. *3:4: Slm 51:4

⁵Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.) ⁶Si hrimhrim hlah. Pathian cu a din lo ahcun, zeitindah vawlei cu bia a ceih khawh lai?

⁷Asinain ka lihchimnak nih Pathian biatak cu fiang chinchin in a langhternak thawngin Pathian cu sunparnak ngan deuh a pek ahcun, zeicahdah kei cu misual na si tiah sualphawt ka si kun? ⁸“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

⁹A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

¹⁰Cathiang nih,

“A dingmi ahohmanh an um lo,

1 Thesalonian 4: 16- 17

¹⁶Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i ¹⁷cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

1 Thesalonians 5 : 20

phungchim kha zeirello in um hlah u.

1 Timothy 2: 4

^3-4Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

Malakhi 4: 1-6

¹A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti. ²Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai. ³Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

⁴Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u, ⁵A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai. *4:5: Mat 11:14; 17:10-13; Mar 9:11-13; Luk 1:17; Jhn 1:21 ⁶Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.

Malakhi 4: 5

⁵A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

Jeremiah 25: 30-38

³⁰“Ka chimmi bia vialte cu

• na thanh hna lai i
• ‘ Bawipa cu cung sangpi khin a rung
• au lai,
• A umnak hmunthiang khin khuarit in
• a rung ri lai.
• Amah tuurun chungah khan fak piin
• a huk lai i
• Mitsur thei a nengtu hna an au
• thawng bantukin
• vawleicung mi vialte cungah khan
• a au lai.
• 
  

³¹A au thawng cu vanhramdeng tiang

• a thang lai,
• zeicahtiah Bawipa cu miphun
• vialte cungah bia a ngei i
• minung vialte kha taza a cuai hna lai i
• a sualmi cu vainam in an thi lai,
• tiah na chimh hna lai,’
• tiah Bawipa nih a ti.
• 
  

³²Zohhmanh, rawhralnak cu miphun

• pakhat sinin pakhat sinah a karh
• chin lengmang i thlichia cu
• vanhramdeng in a tho lio,
• tiah Bawipa nih a ti.

³³Cun cu ni ah cun Bawipa nih a thahmi hna cu vawlei khattelei kam in khattelei kam tiang hmunthur bantukin an ril liangluang ko lai. Ahohmanh nih an ṭah hna lai lo, a pumh zong an pum hna lai lo, a vui zong an vui hna lai lo.

• 
  

³⁴Maw tuukhal hna, ṭap u law ai u,

• Tuurun bawi hna, vutcam lakah
• i lawng u.
• Atu cu thahnak hmun i kal kha
• nan chel a si cang i
• tuukawng ṭha bantukin nan tlu lai.
• 
  

³⁵Tuukhal hna caah zamnak hmun

• khuazei hmanh ah a um lai lo.
• Tuurun bawi hna caah luatnak lam
• zeihmanh a um lai lo.
• 
  

³⁶Tuukhal hna ai thawng cu

• ngai hmanh,
• Tuurun bawi hna kiao thawng cu
• thei hmanh,
• Zeicahtiah an tlonnak ram cu Bawipa
• nih a hrawh lio i,
• 
  

³⁷A thinhun ruangah dai tein a ummi

• an innlo hna cu a rawk dih.
• 
  

³⁸Chiandeih a kua a chuahtakmi bantuk

• khan an zam,
• Zeicahtiah an ram cu pakpalawng ah
• a cang cang,
• Vainam le thinhunnak nih
• pakpalawng ah a canter dih cang.

Jeremiah 23: 19

¹⁹A kangh in mi a kangmi thli, Bawipa

• sinin a chuakmi khi zohhmanh,
• Ṭotho phuchim a si khi!
• Miṭhalo hna lung chungah
• aa zi len ko.

Isaiah 24 : 1-23

¹ Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai. ²Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai. ³Vawlei cu a kek a kuai dih lai i a rawk dih lai. Cu bia cu Bawipa nih a chimmi a si i a chim bangin a si ko lai.

⁴Vawlei cu a ro i a car; vawlei cu a uai in a uai; van zong vawlei zong an rop dih. ⁵Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter. ⁶Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang. ⁷Mitsur ruang kha an car i mitsur zu kha a tlawm. A rak i lawm tawnmi kha atu cu an ngaih a chia dih cang i ⁸an i lawmhnak hla dawh le tingtang tum thawng le khuang thawng kha a dai cang. ⁹Hlasak pah i mitsur zu din kha a um ti lo, ahohmanh nih mitsur zu kha a thaw an ti ti lo. ¹⁰Khuapi chungah zeizong vialte hnahnawk in a um dih, inn kha khar an si dih i mi kha lengah chuah an si dih. ¹¹Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang. ¹²Khuapi cu a rawk i a kutka cu an baoh dih hna. ¹³Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl ṭuan a dih tik i oliv thei vialte oliv nge in an ṭhilh dih hna hnu le mitsur ruang in mitsur thei vialte an lawh dih hna caan he khin aa lo lai.

¹⁴A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i ¹⁵nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai. ¹⁶Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai.

Sihmanhsehlaw kei ka caah cun ruahchan awk a um lo. Ka derchin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh. ¹⁷Vawleicung mi hna! Thil ṭihnung le khor le rap nih an in bawh ko hna. ¹⁸Thil ṭihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai. ¹⁹Vawlei cu a kak a kuai lai i aa cheu lai. ²⁰Vawlei cu zuri bangin a sawn lai i ṭotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho ṭhan ti lai lo.

²¹ Bawipa nih cunglei ṭhawnnak le vawlei cung uktu hna kha dan a tat hna lai ni a phan lai. ²²Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai. ²³Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

Revelation 12 : 12

¹²Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

Revelation 3 : 2

²Cucaah cun i hlau law na ngeih rihmi kha a thih taktak hlanah thazang thar la tuah. Zeicahtiah na tuahmi thil kha Pathian mit hmuh ah a tlingmi an si rih lo ti kha ka hmuh.

Revelation 3 : 20

²⁰Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

Revelation 10- 12

¹⁰Cun hitihin a ka ti, “Hi cauk chung i aa ṭialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang. ¹¹Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti. *22:11: Dan 12:10

¹²Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

Revelation 22 : 17

¹⁷Thlarau le va ngei laimi ngaknu nih khan, “Ra u,” an ti.

Hi bia a theimi paoh nih khan, “Ra u,” ti ve hna seh.

Ti a halmi paoh cu ra u, nunnak ti hi a duhmi paoh nih manloin i lak u. *

Revelation 22 : 4-5

⁴Annih nih a hmai an hmuh lai i a min cu an cal ah aa ṭial lai. ⁵Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai. *

Revelation 21: 4-5

⁴An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti. *21:4: Isa 25:8; 35:10; 65:19

⁵Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

Revelation 21: 27

²⁷Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai. *

Note : (Shanram Tachileih i a ummi Lahu miphun hngakchia kum 6-8 kar hrawnghrang tete sin i Pathian nih biaphuan chim afialmi hna lak i Bible caang byheart i an ivahpi mi ansi)