March 31, 2009

Jeremiah 26

Revelation 20 : 14

Revelation 21 : 23

Jeremiah 25 : 32

Obadiah

John 12 : 40

1 Chronicle 28 : 9

Proverb 17 : 22

Jeremiah 32 : 40

Isaiah 45 : 15

Jeremiah 33 : 11

John 3 : 16

John 12 : 37

Luke 17 : 1- 3

Ecclesiastes 3 : 1-8

Jeremiah 26

Judah siangpahrang Josiah fapa Jehoiakim bawi hramthawk ah, hi bia hi Bawipa sinin Jeremiah sinah a ra: *26:1: 2Sia 23:36—24:6; 2Cha 36:5-7 ² Bawipa nih Jeremiah cu a thawh i, “ Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai. ³Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga. ⁴Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i ⁵nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw, ⁶hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti. *26:6: Jos 18:1; Slm 78:60; Jer 7:12-14

⁷Tlangbawi hna le profet hna le mi vialte nih hi bia cu Jeremiah nih Bawipa inn chungah a chim kha an theih. ⁸Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro. ⁹“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh. ¹⁰Cun Judah bawi hna nih hi thil cu an theih tikah siangpahrang inn khan Bawipa inn ah cun an kal i Bawipa inn i kutka thar luhnak ah cun an ṭhu cio. ¹¹Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti. ¹²Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah. ¹³Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak ṭhat lonak kha a lak ṭhan lai. ¹⁴Sihmanhsehlaw kei tu cu nan kut chungah ka um ko; a ṭha le a hmaan nan tining paoh in ka cungah tuah ko u. ¹⁵Sihmanhsehlaw nan ka thah ahcun, nanmah le hi khua le a chungah a ummi vialte hi, nan dihlak in, a sual lomi thisen kan chuah caah hin kan sual ti bel hi fiang tein run i hngal u, zeicahtiah hi bia vialte hi nan theihhngan i chim awkah Pathian nih a ka thlah taktak,” tiah a ti.

¹⁶Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti. ¹⁷Cu ram upa a cheukhat hna zong cu an dir i aa pummi hna cu, ¹⁸“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si:

• Zion cu thuanmi lei ah a cang lai i
• Jerusalem cu a rawkmi hnawmpon ah
• a cang lai,
• Biakinn tlang cu hlingbur hmun ah
• a cang lai,
  tiah a ti hna. *26:18: Mik 3:12

¹⁹Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

²⁰ Bawipa min in bia a rak chim vemi midang pakhat a rak um ve, amah cu Kiriath Jearim khuami Shemaiah fapa Uriah a si. Jeremiah nih a chim bantuk hin amah zong nih hi khua le hi ram a rawhnak ding kha a rak chim ve. ²¹Siangpahrang Jehoiakim le a ralkap vialte hna le a bawi vialte hna nih a bia kha an theih i siangpahrang nih cun amah cu thah awkah a kawl. Cucu Uriah nih a theih tikah a thin a phang i Izipt ram ah a zam. ²²Khi tikah Siangpahrang Jehoiakim nih cun Akbor fapa Elnathan le midang kha Izipt ram ah cun a thlah hna i ²³Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.

²⁴Sihmanhsehlaw Safan fapa Ahikam kha Jeremiah leiah cun a ṭan caah mizapi kut chung i va thihnak khan a luat.

Revelation 20 : 14

¹⁴Cun thihnak le mithi khua cu mei tili chungah khan an paih hna. (Hi mei tili hi thih voi hnihnak cu a si). ¹⁵Nunnak cauk chungah an min aa ṭial lomi paoh cu mei tili chungah cun an paih hna.

Revelation 21 : 23

²³Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

Jeremiah 25 : 32

³²Zohhmanh, rawhralnak cu miphun

• pakhat sinin pakhat sinah a karh
• chin lengmang i thlichia cu
• vanhramdeng in a tho lio,
• tiah Bawipa nih a ti.

Obadiah

¹Obadiah nih a chimmi bia:

• Mah hihi Bawipa Pathian nih
• Edom kong ah a chimmi bia a si.
• Bawipa nih miphun hna sinah lamkal
• a thlah i,
• “I hlau tuah u; Edom doh awkah i
• hlau tuah u sih,” tiah lamkaltu nih
• cun a ti tikah,
• Hi bia hi Bawipa sin khan ka theih.

² Bawipa nih Edom cu a thawh i,

• “Nangmah cu kaan hmetter lai,
• mi kip nih an in serhsat lai.

³Na lungpuamnak nih a pingah

• an hruai cang;
• Nang cu lung in sermi ralhruang
• chungah khan na um i
• Na inn cu tlang sangpi cungah khin
• a si caah,
• ‘Aho nih dah an ka ṭhumh
• khawh lai?’ tiah naa zum.

⁴Na umnak cu muvanlai bu tlukin

• sang in, na bu cu arfi hna lakah
• khin si ko hmanh seh law,
• Khika khin kaan ṭhumh ṭhiamṭhiam
• ko lai,” tiah Bawipa nih a ti.

⁵Mifir nih si hna seh, philhmangmi nih

• si hna seh, zan ah an in fuh tikah,
• Annih nih cun an duhmi lawng kha
• an lak ko;
• Cun mitsur thei cu a lomi nih
• an lawh tikah tlawmpal cu
• an nganh ta zungzal.

⁶Sihmanhsehlaw Esau, na ral nih

• na rothil cu an hlai dih i
• an lak dih cang,
• Na thuhmi na chawhlawn vialte cu
• an chuah dih cang.

⁷Nangmah sin i a ṭangmi hna nih khan

• an in hlen i
• Na ram chungin an in dawi cang.
• Nangmah he i rem tein a rak ummi
• hna nih khan an in tei cang.
• Na sin i ti ding rawl ei in a ummi
• na hawile nih khan rap
• an in chiahhnawh cang i,
• “A fimnak vialte kha tah khuazei
• ah dah a si kun?” an in ti.

⁸“Edom cu dan ka tat ni hrimhrim ah

• an mifim hna cu ka thah hna lai i
• Esau Tlang in fimnak cu ka hloh lai.

⁹Teman ralkap hna cu an thin

• a phang lai i,
• Esau Tlang i a ummi ralkap vialte
• kha thah an si lai,” tiah
• Bawipa nih a ti.

Zeicahdah Edom Cu Dantat A Si?

¹⁰“Nangmah nih na unau a simi Jakob

• tefa hna kha na ramh hna i na thah
• hna caah
• Nangmah cu zungzal in hrawh le
• ningzahnak pek na si lai.

¹¹Ral nih an kutka kha an bauh hna i

• an chawva vialte kha an lak i
• Jerusalem khua kha camcawhfung
• khiah in an i cheuh ni ah khan,
• Nang cu na dir sawhsawh ko i annih
• he khan lungkhat in na um.

¹²Na unau hna cu an van a chiat

• caah khan diriam in
• na um awk a si lo,
• Judah mi kha an rawk ni ah
• naa lawmh awk zong a si lo;
• Harnak an ton ni ah na nihsawh awk
• hna zong a si fawn lo.

¹³Ka mi hna cu an rawhral ni ah khan

• an chawva va lak awk le
• An temhinnak kha nang i rak i
• lawmhpi awkah an khua chungah
• na rak luh awk a si lo.

¹⁴Zam aa timmi hna thah awkah khan

• lamtonnak hmun ah khan
• na rak dir awk a si lo i,
• An har ni ah khan an ral hna
• kut chungah khan
• na rak chanh hna awk a si lo,” tiah
• Bawipa nih a ti. *Isa 34.5-17; 63.1-6; Jer 49.7-22; Eze 25.12-14; 1:14: 35:1-15; Amo 1:11-12; Mal 1:2-5

Miphun Hna Cungah Biaceihnak

¹⁵“Miphun vialte kha Bawipa nih bia

• a ceih hna lai ni a nai cang.
• Edom, na tuahmi kha na cungah
• a tlung ve lai;
• Na tuahmi kha na lu cungah
• a kir ṭhan lai.

¹⁶Ka mi hna nih ka tlang thiang cungah

• dantatnak hrai a khaami kha
• an din cang.
• Cun hi ram pawngkam i a ummi
• miphun hna nih cu nakin a ṭhalo
• chinchinmi dantatnak kha
• an din lai;
• An din lai i an dolh lai i an lo lai.”

Israel Nih Teinak A Hmuh Lai

¹⁷“Sihmanhsehlaw Zion Tlang ah cun

• a luatmi cu an um lai i
• cu hmun cu hmun thiang a si lai.
• Jakob nih a ram a rak chuttu hna
• kha a chuh ṭhan ve hna lai.

¹⁸Khi tikah Jakob innchungkhar

• hna cu mei an si lai i
• Josef chungkhar hna cu meizik
• an si lai;
• Esau chungkhar tu cu favai an si lai;
• Esau mi hna cu mei nih facang hmui
• a kangh bangin an kangh hna lai i
• Esau tefa cu a nungmi an um lai lo,”
• tiah Bawipa nih a ti.

¹⁹“Negeb i a ummi Israel mi nih

• Esau Tlang kha an co lai;
• Judah ram thlanglei i a ummi hna nih
• Filistin mi hna ram kha an lak lai;
• Israel mi hna nih Efraim le Samaria
• ram kha an co lai i
• Benjamin mi nih Gilead ram kha
• an co lai.

²⁰Israel mi saltangmi hna nih khan

• Kanaan ram kha Zarefath tiang
• an co lai,
• Jerusalem mi saltangmi hna nih khan
• Negeb ram i khua kha an co hna lai.

²¹Israel mi hna cu Zion Tlang ah an kai

• lai i Esau Tlang cu an uk lai.
• Cun Bawipa cu Siangpahrang a si lai.”

John 12 : 40

⁴⁰“Pathian nih an mit a cawtter hna i

• an lung a pinter hna,
• ‘Cu ti a si lo ahcun an mit nih
• khua a hmu sual hnga i
• an lung nih khua a hngal
• sual hnga i,
• Damnak hmuhnak ding caah
• keimah leiah
• an i mer sual hnga,’ tiah
• Pathian nih a ti,”
  tiah a ti fawn. *

1 Chronicle 28 : 9

⁹“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

Proverb 17 : 22

²²Lungthin lawmh hi si ṭha a si,

• sihmanhsehlaw lungthin ngaihchia
• nih ruh kha a roter.

Jeremiah 32 : 40

⁴⁰Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

Isaiah 45 : 15

¹⁵Israel Pathian, a mi a khamhtu hna

• Pathian hi,
• amah le amah aa thupmi Pathian a si,’
• tiah an chim lai,” a ti.

Jeremiah 33 : 11

¹¹Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i,

• A lianngan bik Bawipa cu
• lawm tuah u,
• Zeicahtiah amah cu a ṭha,
• A fekmi a dawtnak cu zungzal in
• a hmun, an ti lai.
  Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti. *

John 3 : 16

¹⁶Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

John 12 : 37

⁷Cu bantukin hmelchunhnak tampi kha an mit hmuh hrimhrim ah a ser ko nain an zum lo, ³⁸cucu profet Isaiah nih,

• “Kan chimmi bia cu aho nih dah
• an zumh?
• Aho sinah dah Bawipa nih
• a lianhngannak cu a langhter?”
  tiah a rak chimmi kha a tlin nakhnga caah a si. *

Luke 17 : 1- 3

¹Jesuh nih a zultu kha a chimh hna i, “Sualnak chungah mi a tlaktertu thil cu an um ṭheo lai; sihmanhsehlaw cu thil hna a umtertu caah cun ṭihnung a va si dah! ²Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga. ³I ralring ko u.

“Na unau nih a sual ahcun va mawhchiat, aa ngaihchih ahcun va ngaithiam.

Ecclesiastes 3 : 1-8

¹Zeizong vialte caah hin caan a um cio

• i vanrang tang i a ummi thil vialte
• nih hin caan an ngei dih:

²Hrin caan a um, thih caan a um;

• cin caan a um, phawi caan a um;

³Thah caan a um, damter caan a um;

• ṭheh caan a um, sak caan a um;

⁴Ṭah caan a um, nih caan a um;

• ngaihchiat caan a um, lam caan a um;

⁵Nu le pa si caan a um, si lo caan

• a um; i pom caan a um, i pom lo
• caan a um;

⁶Kawl caan a um, thlau caan a um;

• chiah caan a um, hlonh caan a um;

⁷Thleh caan a um, belh caan a um;

• dai tein um caan a um,
• chim caan a um;

⁸Huat caan a um, dawt caan a um;

• i doh caan a um, i rem caan a um;

⁹Rianṭuantu nih rethei ngaiin a ṭuanmi

• chung hin zeidah a miak a hmuh?

¹⁰Pathian nih kan cung i a kan khinhmi rian cu ka hngalh cang. ¹¹Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo. ¹²Cucaah minung nih a ṭha bik a tuah khawhmi cu a nun rih lioah i lawmh le a ṭha bik a timi kha a tuah khawh chungin tuah kha a si ko. ¹³Kan dihlak in ei u sih law ding u sih law kan ṭuan man kha i nuamhpi u sih. Cucu Pathian laksawng a si ko. ¹⁴Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah. ¹⁵A um liomi hi a um cangmi an si dih ko; a um dingmi hi hlanah a rak um diam ding cangmi kha an si; Pathian nih a um ciami thil kha a um ṭhanter lengmang hna.

¹⁶Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh. ¹⁷Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti. ¹⁸Minung hi saram nakin zeihmanh kan si hlei lo ti hngalhnak caah Pathian nih minung hi a hneksak hna ti kha ka hngalh.

Updates

March 29, 2009

Isaiah 66: 22-24
Joel 2: 12-14

March 30, 2009

James 4: 8
Rome 3 : 28
Matthew 10: 29- 31
Psalm 102 : 25- 27
Mark 14 : 25
Matthew 12 : 11-12
Matthew 12 : 39- 45
Matthew 12 : 33- 37
Matthew 13 : 11- 16

Updates

March 27, 2009

Deuteronomy 33 : 27

Jeremiah 27 : 5

Rom 3 : 10

Acts 3 : 14

Hebrew 13 : 6

March 28, 2009

Isaiah 65

Psalm 150 : 6

Psalm 149 : 4

1 Peter 2 : 2

Ezekiel 37 : 1- 14

James 4

March 26, 2009

Psalm 145:18

Psalm 33:11

March, 25, 2009

Good Morning

Mark 8:19

Isaiah 60 :19

Johan 1 : 12

Minung thong nga ca i changreu tlang nga ka cheu kha nan philh manh maw? A ṭiltlawt kha sei zeizat dah nan char kha?” tiah a ti hna. Annih nih, “Sei hleihnih,” tiah an leh.

¹⁹“Chun ah ni cu na ceunak a si ti lai lo

• i zan ah thlapa cu
• na ceunak a si ti lai lo.
• Bawipa cu zungzal in na ceunak
• ka si cang lai i ka sunparnak
• ceunak cu na cungah a tlang lai. *

¹²Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna

March 24, 2009

Today's messages....

Luke 1: 26-38
Ezekiel 37:1-14
1 Peter 3 : 18
Psalm 102: 25-27

Luke 1:26-38

26Elizabeth pumlawnglo in a um thla ruknak ah, Pathian nih vancungmi Gabriel cu Galilee ram khua pakhat Nazareth timi ah cun a thlah. ²⁷Siangpahrang David hrinsor a simipa Josef an timi he kan i ṭhi lai tiah bia aa kammi ngaknu kha bia na va chimh lai tiah a fial. Cu ngaknu cu a min ah Mary a si. *1:27: Mat 1:18 ²⁸Vancungmi kha a sinah cun a ra i. “Na cungah daihnak um ko seh. Bawipa cu na sinah a um i thluachuahnak tam piin an pek,” tiah a ti. ²⁹Vancungmi bia kha a theih tikah Mary cu a lau ngaingai i a bia kha a sullam zeidah a si hnga tiah a khuaruah a har. ³⁰Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih. ³¹Nau na pawi lai i fapa na hrin lai i a min ah Jesuh na sak lai. *1:31: Mat 1:21 ³²Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i *1:32-33: 2Sam 7:12, 13, 16; Isa 9:7 ³³Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

³⁴Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti. ³⁵Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai. ³⁶Hi hleiah na rualchan Elizabeth kha a tar leiah fa a pawi i a cing ti i rak ti tawnmi kha atu hi a thla ruknak a si cang, ³⁷zeicahtiah Pathian nih a tuah khawh lomi thil zeihmanh a um lo,” tiah a ti. *1:37: Gen 18:14

³⁸Mary nih a thawh i, “Kei cu Bawipa salnu ka si ko, na chim bang cun ka cungah si ko seh,” tiah a ti i vancungmi nih cun a kaltak.

Ezekiel 37: 1-14

1 Bawipa kut cu ka cungah a phan i a thlarau in a ka kalpi i ruh in a khatmi nel pakhat ah a ka chiah. ²An lakah cun a kenkip ah a ka chawhter i an dihlak in ka pal dih hna; nelrawn cu a khah in an khat i rel cawk lo an si i an ro ngaingai. ³A ka thawh i; “Mipa, hi ruh hi an nung kho ṭhan hnga maw?” tiah a ka ti. Kei nih ka leh i, “Nangmah lawnglawng nih na hngalh, Bawipa Pathian,” tiah ka ti. ⁴Cun a ka thawh i, “Hi ruh ro hi bia chim hna law, maw ruh ro hna, Bawipa bia hi thei tuah u,” ti hna, a ka ti. ⁵Mah hihi Bawipa Pathian nih hi ruh hna sinah a chimmi bia cu a si: Nan chungah thaw ka chiah lai i nan nung lai. ⁶Nan cungah thahri kha ka ṭem chih hna lai i tit kha kan pek hna lai i cuar in kan khuh hna lai i nan chungah thaw ka chiah lai i nan nung lai; cun nannih nih Bawipa ka si kha nan hngalh lai, a ti. ⁷A ka fial bantukin bia chim cu kaa thawk i ka chim lengmang lioah cun thawng a hung um i ruh cu an hun i fonhtonh. ⁸Ka zoh ko lio hna ah cun an cungah thahri kha an hung um i tit nih khan a hun khuh hna i cuar nih khan a hun zual hna, sihmanhsehlaw an chungah thaw a um lo. ⁹Cun a ka thawh i, “Thli khi bia chim tuah, mipa, thli cu chim tuah law, hihi Bawipa Pathian bia an si, tiah ti: Maw thli, ra tuah, a kaa kip in ra law hi mithi mi hna chungah hin lut tuah law nung hna seh,” a ti. ¹⁰A ka fial bantukin biachim cu ka vun i thawk i thaw cu an chungah a lut i an hung nung i an ke in an dir i ralkapbu nganpi an hung si. *37:10: Biat 11:11 ¹¹A ka thawh i, “Mipa, hi ruh hna hi Israel mi innchungkhar a ning piin an si. Annih nih an i thawh i, ‘Kan ruh cu an ro dih cang, kan nunnak hri cu a cat cang, mithi tluk ceo kan si ko cang,’ an ti. ¹²Cucaah annih cu chim hna law, hihi Bawipa Pathian bia an si, tiah chim hna: Maw ka mi hna, nan thlan cu ka hun hna lai i an chung khan kan chuah hna lai i Israel ram ah kan kirter hna lai. ¹³Nan thlan kha ka hun hna i an chungin kan chuah hna tikah, Bawipa ka si kha nan hngalh lai, maw ka mi hna. ¹⁴Khi tikah ka thlarau cu nan chungah ka chiah lai i nan nung lai i nan vawleite ah khan kan umter hna lai i hi bia cu Bawipa nih ka chimmi a si i tuah zong ka tuah laimi a si ti kha nan hngalh lai. Mah hihi Bawipa bia hrimhrim a si,” a ti.

1 Peter 3 : 18

18zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i ...

Psalm 102:25-27

25hlanpi ah vawlei cu na rak ser cang,

• Nangmah nih na kut hrimhrim in
• van khi na ser hna. *102:25-27: Heb 1:10-12
• 
  

²⁶Van le vawlei cu an lo dih lai,

• sihmanhsehlaw nang cu
• na hmun lai;
• annih cu puan bangin an ṭet lai.
• Puan bangin na thlen hna lai i
• an lo lai;
• 
  

²⁷sihmanhsehlaw nang cu zungzal in

• nangmah bon na si ko i
• na nunnak a dong lo.

March 23, 2009

Believe
Peace
Love
Cross sign

Click here and see some pictures and videos (the last three photos are video files, click and watch the clip)

March 21, 2009

Let have fun in the house of the Lord

2 King 2

March 17, 2009

1 Tim 6 :17
Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

Learn to touch me

March 16, 2009

Today's Miracle Bible Verse

Matthew 6: 19-24
Psalm 91 :11
Psalm 46: 1
Psalm 46: 10
Proverb 17: 22

(there are some verses only meant for their family)

March 14, 2009

Job 40

Job 41

Proverb 3:5-6

Proverb 22: 15

Isaiah 44

March 13, 2009

Isaiah 57: 20- 21

March 5, 2009

Hebrew 11:6

Exodus 36

John 14: 31

The Lord our father’s words are your life guide (Hmelchunhnak hmanthlaak te he khin)

(There are signs that can be hard to tell in words….)

March 2, 2009, Monday

Exodus 24:7

Exodus 29: 1

Exodus 28:30

Number 6:24-26

Tuesday, March 3, 2009

God angels will prepare the way

(*** explaination for this verse will be in the egroup message)

……………………………………….

Exodus 24:7

Cun biakamnak cauk kha aa lak i mi zapi cu aw thangpi in a relpiak hna i annih nih, “ Bawipa nih nawl a kan pekmi vialte cu kan tuah dih lai; amah nawl cu kan zulh lai,” an ti.

Exodus 29 : 1

“Aaron le a fapa hna cu ka tlangbawi rian ṭuan awk i nan thleidan hna tikah hitihin nan tuah lai. Cawtum no pakhat le tuukawng pahnih, do a tlami kha nan lak hna lai i

Exodus 28:30

³⁰Biakhiahnak ṭangbenh chungah cun camcawhnak Urim le Thummim kha na chiah hna lai i Aaron cu Bawipa umnak chung i a vung luh tikah annih cu a ṭang cungah khan an um lai. Bawipa hmaika i a um tikah Aaron nih khan a ṭang cung in, Israel mi hna ca i biakhiahnak thilri kha aa phorh zungzal lai. *

^{Number 6: 24-26}

²⁴ Bawipa nih thluachuahnak in pe hna in, in zohkhenh ko hna seh;